Circuito asambleapaq mosoq programa

‘Tukukuy sasa tiempokunapin’ necesitanchis Diospa yachayninta, Jehová Diospa aceptasqan kananchispaq (2 Tim. 3:1). Servicionchispaq 2005 watapi circuito asambleapaq “‘Diosmanta hamuq yachaywan’ pusachikusun” nisqa tituloyoq programan allin consejokunata qowasun, allintataq kallpachawasunpas (Sant. 3:17).

“Kawsayninchispi rikuchisun ‘Diosmanta hamuq yachayta’” nisqa ñawpaq simposion, entiendechiwasun ch’uya kaypas, llamp’u sonqo kaypas, razonable kaypas, kasukunapaq listo kaypas ima kasqanta. Chaymantan circuitopi superintendente willamunqa Diospa yachayninmanta kinsa puntokunata. Distritopi superintendenten ñawpaq p’unchaypi programata tukunqa ‘mana estudiaq runakunalla’ nispa wakinpa sutichasqan cristianokunaqa Diospa yachayninmanta rimanankupaq allin preparasqa kasqankuta rikuchispa (Hech. 4:13).

Iskay kaq p’unchaypi “Sigamos en las cosas que edifican” (Kallpachaq cosaskunapi purisun) nisqa simposion yanapawasun espiritualpi pisiyachiq cosaskunata reqsispa chaykunamanta karunchakunanchispaq. Yachachiwallasuntaqmi reunionkunapipas, serviciopipas, familiapipas hukkunata kallpachananchispaq. “Imaynatan yanapawanchis Diospa yachaynin” nisqa discurso público yanapawasun Diospa kamachisqan kasukuyqa allinninchispaq kasqanta estimanapaq, agradecekunapaqpas. “Diospa yachayninman hina imapas ruwayqa cuidawanchismi” nisqa tukunapaq discurson, kallpachanqa tukukuy p’unchaykunapi yachayta maskhaspa Jehovamanta mañakunanchispaq decidikusqanchista.

Llapan asambleakunapi hinan rikullasuntaq mosoq discipulokunaq bautizakusqanta. Escuela del Ministerio Teocraticopas, La Atalaya revista estudiaypas kanqan asambleapaq programanchispiqa. Jehová Diosqa munanmi qowasqanchis yachaywan llapanchis yanapachikunanchista. Circuito asambleapi consejokunapas, kallpachaq willaykunapas askhatan yanapawasun espiritualpi fuerte kananchispaq (Pro. 3:13-18).