Iskay p’unchay huñunakuymi yanapawasun Dioswan allinpi kashanallapaq
1. ¿Maypin Jehová Dios yanapawasun allin willakuykunata willashanallanchispaq?
1 Jehová Diosqa mana mich’akuspan yachachiwanchis, kallpachawanchis allin willakuykunata willananchispaq (Mat. 24:14; 2 Tim. 4:17). Chaytan ruwanqa iskay p’unchay huñunakuyninchispipas. Chay huñunakuypin yachachikunqa Dioswan allinpi kayninchista imayna cuidanamanta. Chaytaqa horqokunqa Romanos 8:5; Judas 17-19 textokunamantan. Chay huñunakuyqa wakin llaqtakunapi qallarinqa 2009 wata 31 agosto killamantan.
2. a) ¿Imakunapin yanapawasun iskay p’unchay huñunakuyninchis? b) ¿Imaynatan chhayna huñunakuykuna yanaparasunki predicayniykipi?
2 ¿Imaynatan chay huñunakuy yanapawasun? Imaymana ruwaykunan tiemponchista usuchiwasunman, imachus ruwananchiskunatapas qonqachiwasunman, chaykunamanta cuidakunanchispaqmi chay huñunakuyqa yanapawasun. Chaymantapas chaypin yachasun millay ruwaykuna cheqnikuymanta, Dioswan allinpi kaq runa imayna kasqanmantawan. Domingo p’unchaypin yachasunchis imatachus sapankanchis hinallataq familianchispas ruwasunman Dioswan allinpi kayninchis allin cuidasqa kananpaq chayta. Chay iskay p’unchay huñunakuymi yanapawasun sonqonchista, iñiyninchista allinta cuidananchispaq, hinallataq Diospa bendicionkuna qowananchista ama qonqananchispaqwan.
3. ¿Hayk’aqmi kanqa iskay p’unchay huñunakuyninchis? ¿Imatan ruwananchis chaypaq?
3 Iskay p’unchay huñunakuyninchis hayk’aqchus maypichus ruwakunanta yachaspanchis hinan, allinta yuyaykunanchis iskaynin p’unchay chaypi kananchispaq allinta uyarinanchispaqpas. Jehová Diosqa yanapanqapunin makilla imatapas ruwaq runata (Pro. 21:5).
4. ¿Ima ruwananchispaqmi yanapawasun iskay p’unchay huñunakuyninchis?
4 Chay huñunakuyqa Jehová Diospa regalonmi, allin yuyayniyoq hunt’aq kamachitaqmi chaypaq preparamunña allin yachachikuykunata, chaykunan yanapawasun predicayninchista allinta hunt’ananchispaq. ¡Maytan Jehová Diosta agradecekunchis chhayna yachachikuykuna qowasqanchismanta! Chaykunan yanapawasun ‘willakusqanchis suyakuyninchispi ama iskayaspa qaqata sayananchispaq’ (Heb. 10:23-25; Sant. 1:17).