Llapa cristianokunapaq yanapaykuna
1. ¿Iman 1938 watapi qallarirqan? ¿Imapaqmi chayta ruwakurqan?
1 1938 watapin Diospa llaqtanpi qallarirqan asamblea de zona nisqa huñunakuykuna (kunanqa iskay p’unchay huñunakuy nisqan), chaypin llapa iñiq t’aqakuna huñunakuqku. ¿Imapaqmi huñukurqanku? 1939 watapi enero killapi lloqsimuq Informador (inglés simipi) (kunanqa Diosmanta Willasunchis nisqan) qelqan nirqan: “Jehová Diosmi llaqtanpi chay huñunakuykunata ruwachin payta serviqkuna Reinomanta willanankupaq. Chaypi yachachikuykunaqa Diospaq llank’ayninkuta allinta hunt’ay munaqkunatan yanapan”, nispa. 1938 watapiqa 58.000 Testigokunallan karqanchis, 2009 watapaqtaq 7.000.000 masña kanchis, chay huñunakuykuna ruwakusqanmantapachataq Diospa llaqtan astawan wiñashan. Yanapawashanchismi ‘llank’ayninchista allinta hunt’anapaq’.
2. ¿Imakunamantan yachasun iskay p’unchay huñunakuyninchispi?
2 Hamuq watapaq tema. Ancha kusisqan suyakushanchis iskay p’unchay huñunakuyninchista. Chayqa septiembre killapin qallarinqa, chaypin llapa Dios serviqkuna kallpachayta chaskisunchis. Chay huñunakuypaq temaqa Juan 15:19 textomantan horqosqa kashan, chaypin nin: ‘Manan kay pachamantachu kankichis’, nispa. ¿Imakunamantan chay huñunakuypi yachasun? Sabadotan yachasun imaynatan Diospaq tukuy tiempowan llank’asqanchis yanapawanchis chayta. Yachallasuntaqmi imaraykus ‘wak’a animalmanta’ ‘millay rabona warmimanta’ ‘qhatuqkunamanta’ ima karunchakunanchis kasqanta. Domingopi discursokunapas kallpachawasunmi Diosta munakunanchispaq amataq kay pachatachu, huk discursokunapin yachasun wak llaqtayoq hinapunin kawsananchis kasqanta, kay pachata atipananchispaq mana manchakuq kananchismantawan.
3. ¿Ima saminchaykunatan chaskisun iskay p’unchay huñunakuyman rispa?
3 Huk iñiqmasinchismi iñiyninpi chiriyapusharqanña ichaqa iskay p’unchay huñunakuyman rispa uyarisqanmi kallpacharqan, chaymi decidekurqan ‘manaña imawanpas hark’achikuspa predicacionman lloqsinanpaq’. Kay watapaq iskay p’unchay huñunakuyninchispas yanapawasunmi Jehová Diosta munakunanchispaq amataq kay pachatachu (1 Juan 2:15-17). Chayrayku kallpachakuy chaypi kanaykipaq, Diospa qosqan yachachikuyta makilla uyarinaykipaqpas.