Bibliawan predicasun
1. ¿Imaynatan preparakuna serviciopaq?
1 Ima qelqataña serviciopi ofreceyta munanchis chaypas, allinmi kanman uyariqninchista kallpachanapaq hina Bibliamanta akllasqanchis texto leeyqa (Heb. 4:12). Ofrecenanchispaq apasqanchis qelqamanta akllaspa huk texto leeymi yanapawasun allin rimay qallarinapaq qelqa ofrecenapaqpas. Wakin sitiokunapiqa yanapanmi publicadorkunata makinkupi Biblia apasqanku, piwanpas rimanankupaq otaq wasin wasinta predicanankupaqpas.
2. a) ¿Imaynatan huk textowan predicayta qallariswan? b) Bibliapi, ¿ima temakunan interesan vecinoykikunaman?
2 Huk textowan qallariy. Wakin publicadorkunan qallarinku leenanku textowan tupaqta wasiyoqta tapuspa, chaymantataq leenkupacha akllasqanku textota. Chay ruwaymi runata piensachin Diospa Palabranpi. ¿Yanapasunkimanchu kay tapuykuna predicay qallarinaykipaq?
◼ “Poderniyoq kaspayki, ¿ruwawaqchu kaykunata?” Leey Revelación 21:4.
◼ “¿Imaraykun sasa tiempokunapi kawsashanchis?” Leey 2 Timoteo 3:1-5.
◼ “¿Allinyanmanchu llaqtanchispi kawsay kay consejota llapanchis kasukuqtinchis?” Leey Mateo 7:12.
◼ “¿Hayk’aqllapas wawaykikuna kaypi nisqan hina sumaqta kawsankumanchu?” Leey Salmo 37:10, 11.
◼ “¿Hayk’aqllapas kay simikuna hunt’akunmanchu?” Leey Isaías 33:24.
◼ “Kay textopi nisqan hina, ¿yachankichu huk gobierno kananmanta?” Leey Daniel 2:44.
◼ “¿Hayk’aqllapas kaymanta Diosta tapuyta munarankichu?” Leey Job 21:7.
◼ “¿Hayk’aqllapas rikusunmanchu wañusqa familianchiskunata?” Leey Juan 5:28, 29.
◼ “¿Yachankuchu wañusqakuna kawsaqkunaq ruwasqanta?” Leey Eclesiastés 9:5.
3. ¿Imaynatan runakunata yanapaswan Bibliamanta leesqanchis textokunata entiendenankupaq?
3 Explicay, yachachiy, entiendechiy. Sichus pipas rimayta munan chayqa, ama usqhayllachu rimay, aswanqa pacienciawan explicay, yachachiy, leesqayki textotapas allinta entiendechiy (Neh. 8:8). Diospa Palabranpa yachachisqanta allinta entiendespan runakunaqa kawsayninkuta cambiankuman (1 Tes. 2:13).
4. ¿Imaynatan Bibliamanta yachachiswan revisitata ruwaspa?
4 Bibliawan yachachispan runakunata yanapanki interesakunankupaq. Chhaynatan ruwana revisitata ruwaspapas: 1) paypaq hina Bibliamanta huk textota akllay, 2) tapuy paypa kutichiy atinanpaq hina leenayki textowan tupaqta, chaymantataq textota leey, 3) explicay, yachachiy, entiendechiy. Sapa visitapi astawan yachachiy Diospa Palabranmanta astawan yachananpaq. ¡Pisi tiempollapin estudiotaña qoshanki.