Imaynatan preparakunanchis revistakunata munachinapaq
1. ¿Ima rayku preparakunanchis revistakunata munachinapaq, Reinopaq Servicionchispi nisqanman hinalla rimananchismantaqa?
1 Sapa killataq Reinopaq Servicionchispi lloqsimun revistakunata munachinapaq qelqasqa yanapaykuna chayqa, ¿preparakunanchisraqchu? Arí. Chay yanapaykuna ancha allinña chaypas, preparakunanchisraqmi. Llaqtanchispi revistakunata imayna munachisqanchis manapaschá huk llaqtapi allinchu kanman, chay rayku Reinopaq Servicionchispi revistakunata munachinapaq lloqsimuq yanapaykunataqa manan iman kaqllatachu rimana. Chay yanapaykunata qhawaspaña revistakunata munachisun chaypas, rimasqanchisman hina munachina.
2. ¿Revistapi kaq yachachikuykunamanta imaynatan akllananchis rimananchis kaqta?
2 Revistamanta huk yachachikuy t’aqata akllay: Ñawpaqtaqa revistapi llapa yachachikuykunataraqmi leenayki, hinaspataq llaqtaykipaq hina kaq allin yachachikuy t’aqata akllay. Mana iskayaspa tukuy sonqowan revistata munachinki chayqa, yaqapaschá uyariqniykipas leeyta munanqa. Hinaña huk yachachikuy t’aqallamanta rimanki chaypas, revistaq llapa yachachikuyninkunatan allinta yachanayki, ahinapin predicasqayki runa imapichá interesakunqa chaymanta rimariyta atinki.
3. ¿Imaynata qallariqtiykin runakuna allinta uyarisunki?
3 Tapuy: Revistamanta huk yachachikuyta akllasqayki qhepamantaq, allinta preparakuy imaynatachus rimayta qallarinki chayta. Qallariy simikunaqa ancha allinpunin. Wasiyoqta tapuy yuyaymanachiq hina, revistapi interesachiq hina. Tapuwaqmi imachus yuyaykusqanmanta rimananpaq. Ichaqa ama tapuychu p’enqachiq, phiñachiq hinaqa.
4. ¿Ima rayku atikuqtinqa predicasqanchis runaman huk textota leena?
4 Bibliamanta textota leey: Chaymantataq munachinayki revistamanta huk textota akllay, atikunqa chayqa predicasqayki runaman leenaykipaq. Huk textota leeqtinchisqa runakunaman rikuchishanchis yachachisqanchisqa Diospa Siminpi saphichasqa kasqanta (1 Tes. 2:13). Chaymantapas, manaña revistata chaskinqachu chaypas, leesqanchis textowanqa ña willashanchisña. Wakin wayqe-panakunaqa manaraq imatapas tapushaspa huk textota leenku runakunata interesachinankupaq. Wakintaq textota leenankupaq ninku: “¿Ima niwaqtaq kay textoq nisqanmanta?” nispa. Hinaspa chay textota revistaq nisqanwan tupachinku, pisillata rimaspataq predicasqanku runaman interesachinku revistata chaskikunanpaq.
5. ¿Imaynatan preparakunanchis revistakunata munachinapaq?
5 Manan ima qelqapas niwanchischu imaynatapunichus revistakunata munachinanchis chayta. Chaywanpas, kallpachakunanchis pisillapi rimaspa endientekuqta hinalla revistata munachinanchispaq. Imaynatachá revistakunata allinta munachinki, allintataq uyarichikunki chay hinata ruway. Yuyariypuni may chaniyoqchus revistanchiskuna kasqanta, tukuy sonqowantaq munachiy. Allinta preparakunki chayqa, “wiñay kawsaypaq allin sonqoyoq” runakunaq makinman saqenki La Atalaya, ¡Despertad! revistakunata (Hech. 13:48, NM).