Jehová Diosta agradecekusun mana p’itiy munakuyninmanta
Cristoq wañusqantan yuyarikunqa 24 marzopi
1. ¿Imaynatan Jehová Dios rikuchiwanchis mana p’itiy munakusqanta?
1 Salmistan qapariran: “Señor [Jehová, NM] Diosta mana p’itiy munakuyninmanta agradecekuychis, runakunapaq musphana ruwasqankunamanta: Gracias, niychis” (Sal. 107:8). Mana p’itiy munakuyninqa manan runakunata khuyapayakuywan qhawariyllachu. Kaytaqa rikukun qatimuq yuyaychasqa takipi: “Señor [Jehová, NM] Diosníy, munakuwaspayki yanapaykamuwarqanki” (Sal. 94:18). ¡Ancha mana p’itiy munakuynintan Jehová Diosqa rikuchiran sapallan Churinta ñoqanchisrayku kachamuspa! (1 Juan 4:9, 10.)
2. ¿Imaynatan Jehová Diosman rikuchisunman agradecekusqanchista?
2 Ñataq Cristoq wañusqanmanta Yuyarinapaq p’unchay chayamushanña chayqa, ¿imaynatan rikuchisunman agradecekusqanchista mana p’itiy ‘munakuwaqninchis Diosman’? (Sal. 59:17.) Llapanchismi tiempota qokuna Jesuspa wañusqan p’unchay asuykamusqanpi yuyaymanananchispaq (Sal. 143:5). Chay p’unchay Yuyarinapaqqa ñawinchasunmanmi Bibliata, folleto Examinando las Escrituras diariamente 2005 watapi programasqata, atispaqa Bibliamanta willaq huk qelqakunatapas ñawinchasunmanmi, kaymi kanman, El hombre más grande nisqa libro 112 capitulomanta 116 capitulokama. Kaykunapi yuyaymanasunchis ñawinchasqanchispitaq k’askakusun (1 Tim. 4:15). Oracionta ruwaspa Diospa Siminpi yuyaymanayqa manan sonqollanchistachu kallpachan, Jehová Dios munakusqanchistapas rikuchinmi (Mat. 22:37).
3, 4. a) ¿Imaynan Liberiapi wayqe pananchiskuna hina kasunman? b) ¿Pitan invitayta munashanki?
3 Hukkunata kallpachay Diosta agradecekunankupaq. Qayna watan, teqsi muyuntinpi Jesuspa wañusqanta Yuyarinapaq huñukuranku 16.760.607 runakuna. Liberia nacionpa huknin llaqtanpi, wayqe panakuna willaranku chaypi umalliqman Señorpa Cenanta yuyarinankupaq. Paymi permisota qosqa bola hayt’ananku pampapi huñunakunankupaq, willachisqataqmi llaqtantinman chay huñunakuyman rinankupaq. Pisqa publicadorlla chaypi karanku chaypas, Señorpa wañusqanta Yuyarinankupaqqa risqaku 636 runakuna.
4 Chay p’unchayta Yuyarinanchispaqqa paykuna hinan ñoqanchispas askha runakunata invitananchis. ¿Ruwakuwaqchu listata munasqayki runakunata invitanaykipaq? 8 de marzo ¡Despertadpi!, 15 de marzo Atalayapi tukukuq paginapi dibujokunata rikuchispa invitawaq. Saqellasunmantaqmi maquinawan otaq makiwan allin qelqasqa invitacionta, maypi ruwakunanta, ima hora kanantapas. 24 de marzo killa asuykamushaqtinqa yuyarichiy tiemponkuta allichakunankupaq.
5. ¿Imaynatan kallpachasunman Biblia estudiaqkunata huñunakuyman hamunankupaq?
5 ¿Imaynatan yanapasunman manaraq huñunakuyman hamuq, Biblia estudiaqkunata chay p’unchaypi astawan kallpachakunankupaq? Sapa kutin yachachispayki t’aqay chikan tiempochata, chay Yuyarina p’unchaymanta allinta entiendechinaykipaq. Chaypaqqa allinmi kanman 2004 watapi 15 de marzo Atalayapi 3 paginamanta 7 paginakama, Razonamiento libropi 83 paginamanta 86 paginakama willasqan.
6. ¿Imaraykun kay Yuyarina p’unchayman invitasqakunata sumaqta chaskinanchis?
6 Invitasqakunata allinta chaskiy. Kay Yuyarina p’unchaypiqa sumaqta rimaykuspan visitakunata chaskina (Rom. 12:13). Invitasqaykiwan kuska tiyay, qhawariytaq Bibliayoqchu, takinayoqchu kashanku chayta. Ñoqanchismi asuykuspa sumaqta chaskinanchis pisipaq wayqe pananchiskunata kay huñunakuyman kallpachakuspa hamusqankumanta. Munakuywan chaskisqanchismi yanapanman congregacionpi huñunakuyman yapamanta kutinpunanpaq (Luc. 15:3-7). Kay hatun p’unchaypin tukuy atisqanchista ruwana, hukkunapas ñoqanchiswan kuska Jehová Diospa mana p’itiyta ‘munakuspa musphanakuna ruwasqanmanta’ agradecekunankupaq (Sal. 31:21).