Qanchis kaq parte: Estudiopi orana
Diosta servinankupaq hina estudiota qosun
1. a) ¿Imaraykun allin kanman Bibliamanta estudiota qospa oracionwan qallariypas, tukuypas? b) ¿Imaynatan estudianteta entiendechisunman Bibliata estudiaspa oranapaq?
1 Diospa saminchayninmi yanapanqa Biblia estudiaqkunataqa espiritualpi wiñanankupaq (1 Cor. 3:6). Chayraykun, Bibliamanta estudiota qospaqa oracionta ruwana qallarispapas, tukuspapas. Diosman sonqo runakunawanqa qallariymantapachan oracionta ruwasunman. Hukkunawanqa sasapaschá kanman oracionwan qallariy. Salmo 25:4, 5; 1 Juan 5:14 textokunawanmi estudianteta entiendechisunman imarayku oranata, Juan 15:16 versiculowantaq yachachisunman Jesucristoq sutinpi Jehová Diosman oranata.
2. ¿Pin estudiopi oracionta ruwanan bautizasqa warmiq estudionman, bautizasqa qhari acompañaqtin? ¿Manaraq bautizasqa publicador acompañaqtinri?
2 ¿Pin oracionta ruwanan? Sichus bautizasqa warmi acompañachikun estudio qonanpaq bautizasqa qhariwan chayqa, qharin oracionta ruwanan, warmin ichaqa estudiota qonan umanta p’istukuspa (1 Cor. 11:5, 10). Sichus, manaraq bautizasqa publicador acompañan hermananchista chayqa, hermananchismi oracionta ruwanan. Chhayna kaqtinqa, umanta p’istukuspan orananpas, estudiotapas qonan.
3. ¿Imakunatan oracionpi mañakunanchis Bibliamanta yachachispa?
3 Imatan oracionpi mañakuna. Bibliamanta yachachispaqa manan unaytachu orana, ichaqa pisillapin munasqanchista mañakuna. Diospa saminchayninta estudiopaq mañakuspaqa, cheqaqkuna yachasqanchismantapas agradecikuspaqa, hatunchananchismi Jehová Diostapas, Paymi yachachiwaqninchis (Isa. 54:13). Estudianteq allinninpaqmi mañakunallanchistaq, agradecekunan llaqtanwan Jehová Diospa yachachiwasqanchismantapas (1 Tes. 1:2, 3; 2:7, 8). Yachasqanta kasukunanpaq estudianteq kallpachakusqanta Jehová Diospa saminchananpaqmi oracionpi mañakullaswantaq. Chhaynapin estudiante yachanqa ‘simiq nisqan hunt’ayta’ (Sant. 1:22).
4. ¿Imaynatan yanapan Bibliamanta yachachispa oracionwan qallariypas, tukuypas?
4 Oracionqa anchatan yanapan. Diospa saminchaynintan chaskinchis (Luc. 11:13). Respetachinmi Diospa Simin estudiasqanchista. Orasqanchista uyarispan estudiantepas yachanqa pay kikin orakuyta (Luc. 6:40). Diospaq, munakuywan agradecekuywan hunt’asqa sonqomanta lloqsiq oracionkunaqa estudiantetan yanapanqa Diosninchiswan amistad ruwananpaq.