Tapuykuna

◼ ¿Diosmanta mañakusunmanchu wasi punkupi estudiota qospa?

Bibliamanta yachachiyta qallarispa tukuspapas may allinmi Diosmanta mañakuyqa. Jehová Diosmantan mañakunchis santo espiritunwan yanapawananchispaq (Luc. 11:13). Chhaynapin estudiaqqa yachanqa mañakuyta, reparanqataq tukuy sonqo Biblia estudiana kasqanta (Luc. 6:40). Chaymi qallariymantapacha allin kanman Diosmanta mañakuyqa. Ichaqa allintan reparakunanchis wasi punkupi estudiota qospa allinchus kanman mañakuy otaq manachus chayta.

Qhawarinanchismi estudianteq wasin punkupi mañakunapaq hinachus kashan icha manachus chayta. Sapa kuti estudiaspaqa pisillapi mañakusunmanmi sichus wasi punku ch’in kaqtinqa. Ichaqa runakuna mana allinpaq qhawasunkichis otaq estudiaq p’enqakunqa chayqa yaqapaschá mana mañakusunmanchu, hukpiña thakpi tarikuspa mañakuna. Chaymi allinta yuyaykunanchis hayk’aqmi estudiantekunawan mañakuywan qallarisuman chayta (qhawariy 2005 marzo killapi Reinopaq Servicionchis, 4 pág.)