Familiapaq horario: sapa p’unchaypaq texto
1 Munakuq tayta mamakunan kallpachakunku sapa p’unchay allin mikhunata wawankuman qonankupaq. Aswan allinmi ichaqa, Diospa Siminmanta espiritual mikhuna qoy (Mat. 4:4). Espiritual yachaykunata wawakuna munanankupaq, ‘wiñaspa qespichisqa kanankupaqpas’, yanapanan sapa p’unchaypaq textota familiantin estudiaspa (1 Ped. 2:2). ¿Ima p’unchaypi, ima horapin kayta churawaqchis familiapaq horariopi?
2 Mikhuna horapi. Sapa p’unchay ruwayta qallarinapaq Bibliapi huk textomanta parlariyqa, familiatan yanapanqa ch’isiaqnintin Jehová Diosta yuyashanallankupaq (Sal. 16:8). Huk maman wawantin desayuno horapi tiemponkuta t’aqasqaku textota leenankupaq, estudianankupaq, mañakunankupaqpas manaraq wawan escuelaman ripushaqtin. Kay ruwasqanmi waynachata kallpacharan patria yupaychay nisqa contrapi sayananpaq, qhelli ruwaykunamanta karunchakunanpaq, estudiaq masinkunaman profesorkunamanpas mana manchakuspa predicananpaqpas. Colegiopi paylla Testigo karan chaypas, manan hayk’aqpas llakikuranchu.
3 Tutamanta textota mana estudiayta atispaqa, ch’isin mikhuna horatapaschá ruwawaqchis. Hukkunaqa texto estudiasqankupin predicasqankumanta experienciakunata willanku otaq Biblia leesqankumantapas. Familiantin mikhushaspa chhayna rimarisqankutan kusikuywan qhawarinku, munakuywantaq yuyarinkupas.
4 Manaraq puñushaspa. Wakin familiakunapaqqa allinmi manaraq puñushaspa texto estudiayqa. Chay ratokunan allin kanman familiantin Diosmanta mañakunaykichispaq. Jehová Diosmanta rimasqaykichista, mañakusqaykichistapas uyarispaqa, Diosta rikushankuman hinan kanqa wawaykichispaq.
5 Jehová Dios saminchachun, kallpachakuspa wawaykichisman cheqaq yachachisqaykichismanta, Examinando las Escrituras diariamente nisqa folletowan yanapachikuspa.