¿Yanapachikushankichu Diospa siminta sapa p’unchay t’aqwisun qelqawan?

¿Leeshankichu Diospa siminta sapa p’unchay t’aqwisun nisqa qelqata? Mana leeshankichu chayqa, kallpachakuy leenaykipaq. Askhan leenku tutamantanta, chhaynapin imataña ruwashaspapas p’unchaypi yuyaymananku (Jos. 1:8; Sal. 119:97). ¿Imaynatan chay qelqawan allinta yanapachikuwaq? Chaypaqqa, ima versiculomantachus rimashan chaytan ñaupanpi qhepanpi ima nisqanta Bibliapi t’aqwirinayki, chaypitaq yuyaymananayki. Chaymantapas chay yachasqaykitan Bibliapi juj willakuywan tupanachinayki. Kallpachakunaykitaqmi chaypi yachasqaykiman jina ruwanaykipaq. Diospa simin nisqanman jina imatapas ruwanki chayqa, Diosmi yanapasunki (Sal. 119:105).

Pachantinpi Betelpi llank’aqkunan sapa tutamantanta t’aqwinku Diospa siminta sapa p’unchay t’aqwisun qelqata. Kay watakunapin chay t’aqwirisqanku rijurimun JW Canal programapi, videokuna IMAYMANAKUNA APARIKUSQANMANTA direccionpi. ¿Qhawashankichu chaypi rijuriq programata? Chaypi nisqanqa yanapasunkimanmi. Kunan qhawasunchis imaynatas Lotpa kausasqan yanapawasunman chayta.

QHAWAY AMA KAY PACHATA MUNAKUSUNCHU (1 JUAN 2:15) NISQA VIDEOTA, CHAYMANTATAQ KAY TAPUYKUNATA KUTICHIY:

• Tutamantanta Diosta adorasqanchis videopi, ¿Bibliapi ima yachachikuymantan rimaran?

• Kay pachata chaypi kaqkunatapas munakuyqa manan allinchu, ¿imaynatan Lotmanta willakuy chayta reparachiwanchis? (Gén. 13:12; 14:12; 19:3, 12, 13, 24-26.)

• Kay pachata kaqninkunatapas munakunamantaqa, ¿imaynatan rikuchisunman Jehová Dios munakusqanchista?