Predicacionmi yanapawanchis aguantanapaq
1 Diospa Siminmi niwanchis ‘phawananchispaq kaq phawanata tukuy sonqo [“aguantaspa”, NM] phawasun’, nispa (Heb. 12:1). Imaynan phawaqpas atipayta munaspaqa aguantanan, chay hinallataqmi ñoqanchispas wiñay kawsayta aypanapaqqa aguantananchis (Heb. 10:36). ¿Imaynatan predicación yanapawanchis p’uchukaykama hunt’asqa, aguantanapaq? (Mat. 24:13.)
2 Espiritualpi kallpachawanchis. Bibliapi sumaq munachisqan mosoq chanin pachamanta willayqa, astawanmi suyakuyninchista kallpachan (1 Tes. 5:8). Sapa kutin predicaq lloqsisqanchismi yanapawanchis Bibliapi cheqaq yachasqanchista reqsichinapaq. Chhaynata amachanchis iñiyninchista, chaytaqmi espiritualpi kallpachawanchis.
3 Allinta yachachinapaqqa ñoqanchisraq allinta entiendenanchis Bibliapi cheqaqkunata, chaypaqqa estudiananchismi yuyaymananataqmi. Kayta allintapuni ruwaspaqa astawanmi yachasun, kallpachasun iñiyninchista, espiritual kawsayninchistapas (Pro. 2:3-5). Chay hinapin hukkunata yanapaspa ñoqanchispas kallpachakusun (1 Tim. 4:15, 16).
4 Tukuy sonqowan predicasqanchismi ‘Diospa qosqan llapallan tupapakuna [maqanakuna] p’achamanta’ uknin, chaytan churakunanchis Saqraq, supaykunaq contranpi qaqata sayananchispaq (Efe. 6:10-13, 15). Predicayninchismi yanapawanchis espiritual kaqkunallapi yuyaykunanchispaq, hark’awanchistaqmi Saqraq kamachisqan pacha mana pantachiwananchispaq (Col. 3:2). Jehová Diospa ñanninmanta runamasinchisman yachachiyqa yuyarichiwanchismi ch’uya kawsayniyoq kananchista (1 Ped. 2:12).
5 Diospa atiyninta chaskinchis. Chaymantapas, Reinomanta willayqa yachachiwanchismi Jehová Diosman hap’ipakuyta (2 Cor. 4:1, 7). ¡Ima sumaq saminchaymi chayqa! Chhayna hap’ipakuyqa, manan predicación hunt’ayllatachu yanapawasun, aswanpas imaynapiña kaspapas qaqa sayananchispaqmi (Fili. 4:11-13). Kayta yachananchis, qaqa sayanapaqqa Jehová Diosmantan tukuy sonqowan hap’ipakunanchis (Sal. 55:22). Imaymanapin predicación yanapawanchis aguantananchispaq.