Predicayqa kallpachawasunmi

1. ¿Imaynatan yanapawasunman predicay?

¹ ¿Imaraykun mana sayk’uspa predicashanchis? Jehová Diosta munakusqanchisraykun. Chaymantapas “Diospa siminta willay” nisqa kamachikuyta kasukuymi kallpachawanchis, kusichiwanchis ima (2 Tim. 4:2; Isa. 48:17, 18). ¿Imaynatan predicay kallpachawasunman kusichiwasunman ima?

2. ¿Imakunapin yanapawasunman predicay?

² Kallpachawasun kusichiwasun ima: Predicayqa imaymanapin kallpachawanchis. Ñawpaqtaqa qhepa tiempopi Diosninchis imakunatachus ruwananpi piensananchispaqmi yanapawanchis, chhaynapi imaña kaqtinpas mana nishuta llakikunapaqwan (2 Cor. 4:18). Chaymantapas Bibliamanta hukkunaman yachachiqtinchisqa Diospa promesankunapin astawan iñisunchis, Diospa yachachisqantapas aswan allinpaqmi qhawarisun (Isa. 65:13, 14). Chaymantapas hukkunata allin iñiq kanankupaq, kay pachapi ruwaykunamanta t’aqakunankupaqwan yanapaqtinchisqa, ñoqanchis kikinchismi kay pachapi mana allin kawsaymanta t’aqakusunchis (Juan 17:14, 16; Rom. 12:2).

3. ¿Imaynatan predicay yanapawasunman allin cristiano kananchispaq?

³ Predicayqa yanapawallanchistaqmi allin cristiano kananchispaqpas. ¿Imaynapi? Chayta entiendenapaq rimasun huch’uyaykukuq kaymanta. Predicaspaqa “lliw runapaqmi paykuna hina” kana, chhaynapin yachasun huch’uyaykukuq kayta (1 Cor. 9:19-23). Chaymantapas ‘mana michiqniyoq wikch’usqa ch’eqechisqa ovejakuna hina’ kaq runakunawan rimaspan yachasun khuyapayakuq kayta, hinaspan sonqomantapacha yanapayta munasun (Mat. 9:36). Chaymantapas wakin runakunaqa cheqnikuwanchismi, wakintaq contranchispi hatarinku. Chhaynaña kaqtinpas predicashallasun chayqa, chaykuna aguantaytan yachasunchis, kusisqataqmi kasunpas hukkunata yanapaspa (Hech. 20:35).

4. ¿Imaniwaqmi predicaymanta?

⁴ ¡Manan ima llank’aypas predicay hinaqa kusichiwasunmanchu! Chaywanmi hatunchanchis Kamaqninchis Jehová Diosta. Chaymantapas predicaspan allinta kallpachakusun. Arí, “allin willakuykunata” llapa runakunaman willasun chayqa, imaymana bendicionkunatan chaskisunchis (Hech. 20:24).