Chunka hukniyoq kaq parte: Imaynatan estudianteta yachachina revisitakuna ruwananpaq
Diosta servinankupaq hina estudiota qosun
1 Estudiante predicayta qallariqtinqa, tarinqapunin allin willakuykunapi interesakuqkunata. ¿Imaynatan mosoq publicadorta yanapasunman revisitakunata allinta ruwananpaq, munaqkunaman astawan interesachinanpaqpas?
2 Revisita ruwanapaqqa predicashaspan qallarina. Estudianteta kallpachay rimapayasqan runapi sonqomanta interesakunanpaq (Fili. 2:4). Pisi pisillamanta yachachiy runakunaq rimasqantaraq uyarinanpaq, reparachuntaq ima llakichisqantapas. Pipas uyarikuqtinqa, mosoq publicador qelqachun sutinta, maypi tiyasqanta, imakunamanta rimasqankutapas, chayman hinataq yanapay, kutispa astawan rimanankupaq.
3 Revisita ruwanapaq yachachiy. Registro de casa en casa nisqapi qelqasqanta qhawaspa estudianteta yachachiy, visitasqan runa interesakunanpaq hina, Reinomanta huk willakuyta akllananpaq (1 Cor. 9:19-23). Preparakuychis imaynata rimayta qallarinapaq, huk textota leenapaq, estudio qallarinaykichispaq qelqamanta huk parrafotawan. Rimayta tukunapaqpas maskhaychis huk tapuyta, hukpi kutispa chaymanta rimanapaq. Mosoq publicadorta yachachiy, imaynatan sapa kutisqanpi yanapanman runata, Bibliamanta astawan yachananpaq.
4 Estudianteta yachachinallataqmi atikuqta hinalla rimayta qallarinanpaq. Ejemplopaq, runata napaykuspan, ninman: “Anchata kusikurani qayninpa rimasqanchiswan, chaymi kutimusharani Bibliamanta astawan rimananchispaq [willay imatan akllaranki rimanaykichispaq]”. Nillaytaq imatan ruwanan visitasqaykichis wasipi mana reqsisqa runa lloqsimuqtin.
5 K’uchi kayta yachachiy. Estudianteta kallpachay lliw uyariy munaqkunaman usqhaylla kutinanpaq. Wasiyoqkunata tarinanpaqqa yaqapaschá pasaqllata kutinan. Yachachiy imaynatan rimanan interesakuq runawan, ima p’unchay, ima hora kutinantapas, yachananmi kutinanpaq rimasqanta hunt’ayqa ancha allin kasqanta (Mat. 5:37). Mosoq publicadorta yachachiy munakuq kananpaq, considerado kananpaq, respetowan ovejaman rikch’akuq runakunata maskhaspa astawan interesachinanpaqpas (Tito 3:2).