Chunka kaq parte: Imaynatan estudianteta preparasunman, wasin wasinta predicananpaq
Diosta servinankupaq hina estudiota qosun
1 Ancianokuna reparasqanman hina, sichus estudiante hunt’ashanña Bibliapi kamachikuykunata mana bautizasqa publicador kananpaq chayqa, lloqsinmanñan predicaq congregacionwan (qhawariy Organizados para hacer la voluntad de Jehová, librota 79-81 paginakunata). ¿Imaynatan yanapasunman sasachakuykunata atipaspa wasin wasinta predicananpaq?
2 Kuska preparakuychis. Allinpunin preparakuyqa. Yachachiy maypin tarinman yanapaykunata predicayta qallarinanpaq Reinopaq servicionchispi, Razonamiento libropiwan, maypi predicananpaq hinataq, atinanpaq hinalla akllaysiy. Kallpachay qallarisqanmantapacha Bibliawan predicananpaq (2 Tim. 4:2).
3 Mosoq publicadorpaqqa allinmi kanqa ensayay. Ensayasqanman hina estudianteta yachachiy, predicasqanpi sumaqllata kutichinanpaq mana uyariy munaqta (Col. 4:6). Cristianokunaqa manan llapan tapuykunatachu kutichinanku, nispa kallpachay. Aswanpas tapuqnintan ninan, allinta yachamuspayña tapukuyniykita huk p’unchay kutimuspa kutichisayki, nispa (Pro. 15:28).
4 Kuska predicaychis. Wasin wasinta predicananpaq chayllaraq lloqsishan chayqa, qanmi ñawpaqta preparakusqaykichismanta predicanayki, chayta qhawarispa payñataq predicachun. Mayninpiqa pisillata rimaspan qallarinman, yaqapaschá Bibliapi huk texto leesqanta explicaspa. Respetowan qhawariy imayna pay kasqanta, ima atisqantapas (Fili. 4:5). Predicananpaq, estudio qonanpaq, revisita ruwananpaqpas preparasqaykipi kallpachashallay.
5 Mosoq publicador predicananpaq horario ruwaysiyqa ancha allinpunin, chhaynapin sapa semana predicaq lloqsinqa (Fili. 3:16). Rimay ima p’unchaykuna paywan predicaq lloqsinaykichispaq, kallpachaytaq tukuy sonqo predicaq cristianokunawan lloqsinanpaq. Wayqe pananchiskunaq ejemplon, kuska llank’asqankupas yanapanqa allin predicaq kananpaq, kusisqa wasin wasinta predicananpaqpas.