¿Allichashanchischu mink’arinapaq hojachakunata?

Huk p’unchaysi, 11 watayoq warma huk hojachata tarikusqa, chaypi mink’akusharan infiernomanta rimaq huk discursoman rinapaq. Qhepamantaq pay niran: “Chay temamantaqa munaranipuni yachayta, sapa kutillataq mana allin kaqkunata ruwasharani chayqa, sinchita llakikurani wañuqtiy yawrashaq infiernoman rinaymanta, nispa.” Chay discursoman uyariq riran, watamantaq askha kutita Bibliamanta yachachiyta chaskispa bautizakuran. Chhaynatan Karl Klein qallariran cristiano kawsayninta, paytaq tiempoq purisqanman hina Jehováq Testigonkunaq Kamachikuq t’aqapi serviran askha watata. Kaykunataq hojachata tarikusqallanmanta.

Chay hojachakunaqa kunan kamapas allinmi predicanapaqqa. Askha publicadorkuna rikunku rimayta qallarinankupaq anchata yanapasqanta. Taytamamakuna yanapankumanmi wawachankunata wasin-wasin predicayta qallarinankupaq, mink’arinapaq hojachakunata qospa wasiyoqkunaman haywarinankupaq. Cartakunawan publicadorkunapas churallankumanmi kay hojachakunata carta ukhupi. Allinllapunitaqmi kanman Bibliamanta yachachisqanchiskunata, huk runakunatapas huñunakuyman mink’arinapaq.

Sapa hojachapi willakun ima p’unchaypi, maypi, ima horapiwan huñunakuykuna ruwakun.

Chayrayku, ¿allintachu allichashanchis mink’arinapaq hojachakunata predicananchispaq?