“Kacharichiyninchis Tiempon Chayamushanña”, nisqa distrito asambleamanta willanapaq campaña
Publicadorkuna rakinqaku invitana hojachata
1 2006 mayo killamanta, teqsimuyuntinpi invitasun runakunata distrito asambleaman, 155 suyukunapi ruwakunqa chay asambleakuna tukunankama campañata ruwasun. Kay campañaqa ruwakullanqataqmi Alemaniapi, Poloniapi, República Checapipas, 2006 julio killamanta agosto killa qallariykama.
2 P’uchukay p’unchaykunaq tukukuyninpiñataq kawsashanchis chayqa, sumaqpunin kay asambleakuna kanqa allin sonqoyoq runakunapaq; kaykunapi rimakunqa kay millay pachamanta Diospa qespichiwananchispaq niwasqanchismanta. Chaypi yachachikuykunaqa kallpachanqa runakunata qhepa tiempopi imakunachus kanqa, chaykunapi yuyaymananankupaq. Waranqa-waranqanpi runakuna kay kallpachaq, suyakuy qoq willakuyta uyarinankupaqqa, isqon chunka pusaqniyoq waranqa congregacionkunapi kaq Jehová Diospa testigonkunata kallpachamushayku kusikuywan asambleaman invitanankupaq.
3 Congregacionkunaqa askha invitana hojachakunata chaskinqaku, sapanka publicadorkuna 50 hojachata rakinankupaq. Puchuqtinqa, precursorkuna rakinqaku. Sapanka congregación rakiyta qallarinqa, asambleanmanta kinsa semana ñawpaqta. Chay semanakunapi congregacionkuna tukunanku atispaqa llapa territorionkuta.
4 Atispaqa, sapanka invitana hojachata runakunaq makinmanpuni saqesun. Manachus wasiyoqta tarisun chayqa, wasin punku k’aklluchanpi saqesun. Kallpachakunanchis kinsantin semanallapi lliw hojachakunata rakinanchispaq.
5 “Kacharichiyninchis tiempon chayamushanña” nisqa Distrito Asamblemanta willanapaq campañapiqa askha runakunamanmi predicasunchis. Jehová Diosmanta mañakushayku chay campañapi anchatapuni saminchanasuykichispaq.