Setiembrepi munachisun allin temamanta rimaq ¡Despertadta!
1 Yaqa llapa runakunan kusikunku urpikunaq takisqanta uyarispa, intiq haykusqanta rikuspapas. Ichaqa manan reparayta munankuchu chaykuna huk munakuq Taytaq kamasqan kasqanta. Noqanchismi ichaqa Jehová Dios Kamaq kasqanta rikuchisun setiembre killa ¡Despertadta! rakispa (Isa. 40:28; 43:10). Kay revistaqa llapanpin rimanqa “¿Kanmanchu huk Kamaq?” nisqa temamanta.
2 Predicasqanchispi: Atispaqa congregacionniykiwan sapa sábado wasin wasinta predicanaykipaq allichakuy. Ichaqa semanapi ima p’unchaypas munachiwaqmi kay revistata. Kay revistaqa aswan allinmi kanqa profesorkunapaq, lliw yachachiqkunapaqpas. Sichus predicasqaykipi wakin profesorkuna tiyaqtinqa allichakuwaqmi paykunaqta rinaykipaq.
3 Chay runa tukuy yuyaywan uyarikuqtinqa, huk tapuyta saqey hukpi kutispa kutichinaykipaq. Tapuwaqmi: ¿Ima raykun munakuq Kamaqninchis runaq ñak’arisqanta hinallata qhawan? nispa. Kutispataq rikuchiwaq Enseña libromanta 1 otaq 11 capitulota. Tapullawaqtaqmi Diospa kay Hallp’apaq ima munasqanmanta, kutispataq 3 capitulota qhawachiwaq.
4 Escuelapi: Escuelapi kanki chayqa, ¿kallpachakuwaqchu kay ¡Despertad! revistata yachachiqniykikunaman compañeroykikunamanpas rakinaykipaq? Carpetaykipi alayrillata chay revistata saqeqtiykiqa tapusunkikumanmi imapi iñisqaykimanta rimanaykipaq. Sichus claseykipi rimachisunkikuman, otaq tareata saqesunkikuman ruwanaykipaq chayqa, kay revistaq rimasqanwan iñiyniykimanta allinta rimawaq. Chayta ruwanaykipaq kay revistapin tarinki “Wayna sipaskuna tapukunku...” nisqa t’aqapi kay temata: “¿Imaynatan allinta rikuchiyman huk Kamaq kasqanta?”
5 Jehová Diosllan hatunchaytapas yupaychaytapas chaskinan, tukuy imaymanata kamasqan rayku (Apo. 4:11). Sichus kay setiembre killa ¡Despertadta! kusisqa munachisun chayqa Kamaqninchista hatunchasun, hukkunatapas yanapasun chayta ruwanankupaq.