¡Noviembre killa ¡Despertadta! munachinapaq preparakusun!
1 Askha runakunan tukuy sonqowan tapukunku: “Runakunallataq Bibliata qelqaranku chayqa, ¿imaraykutaq Diospa Siminmi ninku? ¿Imaraykutaq Bibliaq nisqanman hina kawsanay? ¿Allinniypaqchu kanman tiempota hap’ispa Bibliata leeypas estudiaypas? ¿Piqpa t’ikrasqan Bibliataq aswan allin estudianapaq?” nispa. Kay hina tapuykunatan kutichinqa noviembre killa ¡Despertad! revista. Chay revistaq temanmi “¿Se puede confiar en la Biblia? [¿Confiasunmanchu Bibliapi?]” nisqa.
2 Kay revistataqa predicasqanchis llaqtapi lliw runakunamanmi munachisunchis. Chaymi kallpachakunanchis noviembre killapi sapa sábado congregacionwan predicanapaq. Chay revistataqa rakisunman familianchiskunaman, wasimasinchiskunaman, llank’aqmasinchiskunaman, colegiopi yachachiqkunaman, estudiaqmasinchiskunaman, revisitanchiskunamanpas. Chaymantapas, rantikuq rispa mayta viajaspapas apasunmanmi revistakunata. Congregacionta umalliqkunaqa revistakunata mañakunkuña lliwman aypananpaq hina.
3 Estudiota qallarisun: Manan revistata saqespallachu pasapunanchis, aswanmi kallpachakunanchis estudiota qallarinapaq. Chaypaqmi revista chaskikuqman kay hinata nisunman: “Hukpi kutimuqtiy Bibliapi qhawasunchis imatan Dios munan kay Hallp’apaq chayta”, nispa. Kutispataq apasunman ¿Imatapunin Biblia yachachin? nisqa librota, qhawachisunmantaq 4, 5 paginakunata, otaq t’aqwirisunman 3 capitulomanta 1-3 parrafokunata. Kay hinatapas nisunmanmi: “Hukpi kutimuqtiy rimasunman imaynatachus kay tiemponchispi Bibliaq huknin profecía hunt’akushasqanmanta”, nispa. Kutispataq 9 capitulota qhawachisunman, hinaspa t’aqwisunman 1-3 parrafokunata. Khaynatapas nillasunmantaqmi: “Askha runakuna mana entiendenkuchu Bibliaq yachachisqanta. Hukpi kutimuqtiy qhawarisunman imaynata Bibliata entiendesunman chayta”, nispa. Kutispataq ¿Imatapunin Biblia yachachin? nisqa librota qosunman, hinaspa yachachisunman imayna estudianata.
4 Bibliallapin tarikun ‘Diospa Simin Qelqakuna’, chaytaqmi yachayta qowasunman ‘qespinanchispaq’ (2 Tim. 3:15). Chay hinaqa, llapallanchis kallpachakusun kay ¡Despertad! revistata tukuy sonqowan rakinanchispaq, kay revistan askha runakunata yanapanqa Bibliapi confianankupaq.