Predicanapaq huñunakuywan allinta yanapachikuy
1. ¿Imaynata yanapawanchis predicanapaq huñunakuykuna?
1 Predicanapaq huñunakuykuna allinta ruwakuqtinqa kallpachawasun, yachachiwasuntaq allinta predicanapaq. Wayqe-panakunawan kuska predicaspaqa, yachachinakunchismi yanapanakunchistaq (Pro. 27:17; Ecl. 4:9, 10). ¿Imaynatan kay huñunakuykunawan allinta yanapachikusunman?
2. ¿Imakunamantan umalliq rimarinman?
2 Umalliq: Kay huñunakuypaqqa manan allichasqañachu imamanta rimanapaq. Chay rayku sichus umallinki chayqa, allinta preparakunayki. Ama sapa kutillaqa t’aqwiychu sapa p’unchaypaq leena textota, ichaqa ruwawaqmi predicananchiswan tupaqtinqa. Rimawaqmi predicaqkuna imamanta, imaynata chay p’unchay rimanankupaq. Ejemplopaq, imayna predicanamanta demostracionta ruwachiwaq. Rimallawaqtaqmi Razonamiento, Benefíciese qelqakunapi predicanapaq yanapaykunamanta otaq Serviciopaq Huñunakuypi chayllaraq rimakusqanmantapas. Mayninpitaq rimawaq predicasqanchispi sasachakuykunata imaynata qhawarinapaq otaq runakunata imayna interesachinamanta, imayna estudio qallarinamantapas, astawanqa askha publicadorkuna revisitata ruwananku kaqtinqa. Imamantaña rimanki chaypas, kusisqa kallpachaq hina rimay.
3. ¿Predicanapaq huñunakuy hayk’a tiempopi ruwakunan, kay huñunakuy tukuqtin imatan lliwpas yachananña?
3 Huñunakuyta tiemponpi qallariy, wakinña qhepata chayamunqa chaypas. Allin yuyaywan wayqe-panakunata grupokunapi t’aqay, allintataq rikuchiy maypi predicanankuta. Predicanapaq huñukuyqa chunka otaq chunka pisqayoq minutollapi ruwakunan, congregacionpa huñunakuynin qhepata ruwakuqtintaq aswan pisi tiempollapi ruwakunan. Manaraq tukuqtin llapallan yachananku piwan, mayman rinankuta. Mañakuywan tukuy.
4. ¿Imatan ruwananchis predicanapaq huñunakuy allinta yanapawananchispaq?
4 Llapanchispas yanapasunmanmi: Huk huñunakuykunaman hina tiemponpin chayananchis, chhaynapin rikuchisun Jehová Diosta hukkunatapas respetasqanchista. Tapuykuna kaqtinqa kutichiy. Suyakuy umalliq piwan llank’anaykipaq tupachinasuykita otaq ñawpaqmanta allichakuwaq piwan llank’anaykipaq. Ñawpaqmanta piwan predicanaykipaq allichakuspaqa, kallpachakuy ‘sonqoykita kicharispa’ lliwwan predicanaykipaq amigoykikunallawan predicanaykimantaqa (2 Cor. 6:11-13). Huñunakuy tukuqtinqa kamachiwasqanchisman hinalla ruwasun, usqhayllataq rinanchis maychus predicananchisman.
5. ¿Imapaqmi predicanapaq huñunakuy ruwakun?
5 Predicanapaq huñunakuyqa, huk huñunakuykuna hina, yanapawasun ‘hukkuna hukkunawan kallpachanakunanchispaq aswanta munanakunanchispaq, allin ruwaykunatapas ruwananchispaq’ (Heb. 10:24, 25). Sichus predicanapaq huñunakuykunawan yanapachikusun chayqa, aswan allinta predicasun. ¡Kayqa ‘allin ruwaypuni’!