¿Imaynan predicanapaq huñunakuykuna kanan?
1. ¿Imaraykun mana comuntachu predicananchis?
1 Jesusqa manan comuntachu may llaqtapipas predicaq, aswanmi ordenpi allinta predicaq. Chhaynallatataqmi kay tiempopipas “allin yuyayniyoq hunt’aq kamachi” pachantinman allin willakuykunata mast’arichishan. Chaymi llapan Diospa llaqtanpi iñiq t’aqakunaqa predicanapaq huñunakuykunata aparichinku, chhaynapi predicaqkuna listo kanankupaq (Mat. 24:45-47; 25:21; Luc. 10:1-7).
2. ¿Imatan ruwakun predicanapaq huñunakuykunapi?
2 Allinpunin chay huñunakuyqa: Predicanapaq huñunakuykunapiqa allintan kallpachawanchis yachachiwanchistaq predicananchispaq. Chaykunapin yachachikunman Examinando nisqa folletopi textota, sichus chay texto predicanapaq hina kaqtinqa. Yachachikullanmantaqmi Diosmanta Willasunchis nisqa hojamanta, Razonamiento libromanta otaq Benefíciese libromantapas. Chaymantapas ruwakunmanmi huk demostracionta, huk qelqata imayna munachinamanta. Chaymantataq manaraq huk mañakuywan tukushaspa predicaqkunata tupachina piwanchus predicanankuta, willanataqmi maypichus predicanankuta. Chay huñunakuy tukuqtinqa llapallanmi predicananku territorioman rinanku. Chay huñunakuyqa manan 15 minutomanta maspiqa ruwakunanchu.
3. ¿Pikunan encargakunku predicanapaq huñunakuykunamanta?
3 ¿Pikunan umallinanku? Superintendente de servicio nisqa umalliqmi astawan kallpachakunqa chay huñunakuykuna aparikunanpaq. Sabadopi hinallataq Domingopipas grupokunata umalliqkunan otaq yanapaqninkuna encargasqa kashanku gruponkumanta. Chay p’unchaykunaqa gruponkuwanmi predicananku, hinallataq necesitasqanku territoriota mañakunanku superintendente de servicio umalliqmanta. Lunesmanta vierneskaman ichaqa superintendente de servicio umalliq encarganqa sapanka grupopi huk umalliqta otaq huk siervo ministerialta umallinanpaq.
4-6. a) ¿Imaraykun allinta akllana maypichus predicanapaq huñunakuy ruwakunanta? b) Maypichus hayk’aqchus chay huñunakuy ruwakunanta akllananchispaq, ¿iman yanapawasunchis?
4 Maypichus hayk’aqchus ruwakunanmanta: Huk wasillapi llapa grupokuna huñunakunankumantaqa aswan allinmi kanman territoriopi kaq huk wasikunapi huñukuy. Huñunakusqanchis Wasipas allinmi kanman chaypaq. Askha iñiq t’aqakunan Qhawaq revistata estudiasqanku qhepaman Huñunakuy Wasipi ruwanku predicanapaq huñunakuyta. Chaymantapas allinmi kanman territorioq cercallanpi predicanapaq huñunakuyta ruwakuqtinqa. Chhaynapin cantonmanta k’uchunkama territoriota allinta predicasun. Chayraykun umalliqkuna asegurakunanku chay wasikuna allin sitiopichus kasqanta.
5 Territorio imaynachus kasqanman hinan akllakunan ima p’unchaychus imay horastachus chay huñunakuy ruwakunanta. Qatiqnin parrafopi tapuykunapas yanapawasunmi maypichus hayk’aqchus chay huñunakuykuna ruwakunman chayta decidinanchispaq.
6 ¿Mayqen territoriopin astawan predicana kashan? ¿Imay horaspi predicaymi aswan allin kanman? ¿Necesitakushanchu tardenkunata predicay otaq revisitakuna ruway? Imaynatachus predicación aparikunanta decidispañan tablero de anuncios nisqapi k’askachina chay willakuykunata. Llapanchismi kallpachakunanchis territorionchista llapanta tukunanchispaq, chhaynapin apóstol Pablo hina nisunchis: “Kunanmi ichaqa kay ladokunapi willayta tukuniña”, nispa (Rom. 15:23).
7. ¿Imakunatan ruwanan chay huñunakuyta aparichiq?
7 ¿Imaynatan ruwakunan? Predicanapaq huñunakuyta aparichiqqa allintan preparakunan. Chhaynapin Diospa llaqtanpi chaskisqan llank’aykunata ancha allinpaq qhawarisqanta rikuchinqa. Allintan yachanan ima territoriotachus predicakunanta, tiempollanpitaq qallarichinan chay huñunakuyta. Chaypiqa allin yachachikuykunatan willanan 10-15 minutollapi, manan maspiqa. Chay huñunakuy tukuqtin hinallan llapanku territorioman rinanku. Manaña tarde hamuqkunata suyanqakuchu chaypas, allinmi kanman maymanchus risqankumanta huk notachata otaq encargota saqey. Sichus chay allinta ruwakunqa chayqa, llapanmi allin preparasqa kashanqaku predicanankupaq (Pro. 11:14).
8. ¿Imaynatan kasukuq kasqanchista rikuchisunman predicanapaq huñunakuyman rispa?
8 Ama faltakusunchu: Lliwmi kallpachakunanchis kasukuq kanapaq (Heb. 13:17). Grupota pusariqmi encargakunqa llapa predicaqkuna iskay iskaymanta predicanankupaq. Allinmi kanman allin yachaq predicaqkuna chay huñukuypi kashankuman chayqa, chhaynapin yanapankuman mosoqkunata, manaraq allintachu predicaqkunatawan. Chaymantapas aswan allinmi kanman mayninpi hukkunawan predicay, kaq hermanollawan predicaymantaqa (Pro. 27:17; Rom. 15:1, 2). Hinallataq tukuy atisqanchista ruwananchis puntual kanapaq. Sichus chaypi allinyananchis kashan chayqa, kallpachakunanchismi. Chhaynapin rikuchisun Diosta iñiqmasinchiskunatapas respetasqanchista (2 Cor. 6:3, 4; Fili. 2:4).
9. ¿Imaynatan precursorkuna yanapankuman predicanapaq huñunakuykunapi?
9 Precursorkunamanta: Lliwmi kallpachasqa kanchis chay huñunakuykunapi precursorkuna kaqtinkuqa. Ichaqa yachanchismi chaypi kay paykunapaq sasa kasqanta. Paykunaqa estudiokunata qonankumantapas revisitakuna ruwanankumantapas familiankutan atiendenanku, hinallataq llank’ananku mantienekunankupaqpas. Chayraykun mana paykunata nishuta rimapayashanachu llapan chay huñunakuykunapi kashanankupaq, astawanqa mana chayta ruwanachu sapa p’unchay chay huñunakuykuna ruwakuqtinqa. Chhaynaña kaqtinpas allinmi kanman semanapi wakin huñunakuyllamanpas rinkuman chayqa. Predicanapaq huñunakuykunapiqa llapanchismi askhata yachasunman, chaypin precursorkunaq allin ejemplon hinallataq allin yachayninkupas yanapawasunman. Paykunaqa sapa kutillataq predicashanku chayqa, allin predicaqmi kanku, chaymi yanapawasunman. Hinallataqmi paykunaqa tukuy sonqowanmi predicanku, predicanapaq huñunakuykunapipas allinta yanapakunku, chaymi allin ejemplo lliwpaq kanku.
10. ¿Imaraykun llapa predicaqkuna predicanapaq huñunakuykunapi kananchis?
10 Imaynan Jesuspas yachachisqankunapas astawan kallpachakuranku predicanankupaq, chhaynallataqmi ñoqanchispas wasin wasinta predicaspa astawan kallpachakunchis. Predicanapaq huñunakuymi yanapawasun chay llank’ayta allinta ruwananchispaq, hukkuna hukkunawan kallpachanakunanchispaqpas. Chhaynaqa, tukuy atisqanchistan ruwananchis chay huñunakuypi kananchispaq (Hech. 5:42; 20:20). Chaymantapas, imapipas allinyananchis kaqtinqa, kallpachakunanchismi chayta allichananchispaq. Chayta ruwaqtinchisqa Jehová Diosmi yanapawasun predicayninchispi, kusichisuntaq Umalliqninchis Jesucristotapas (Mat. 25:34-40; 28:19, 20).