¿Kanchu qanpaq t’aqasqa territorio?
1. ¿Imataq qanpaq t’aqasqa territoriori?
1 Qanpaq t’aqasqa territorioqa qanpa predicanaykipaqmi. Chay territorio kayllallaykipi kaqtinqa usqhayllan predicayta qallarinki sapallayki otaq huk publicadorwanpas. Congregacionwan predicayqa allinmi, ichaqa qanpaq t’aqasqa territorioyki yanapasunki huk p’unchaykuna hunt’asqata predicanaykipaq, astawanqa congregacionniykiq territorion hatun kaqtin (Hech. 10:42).
2. ¿Imakunapin yanapawasun t’aqasqa territoriopi predicay?
2 Imaynata yanapawanchis: Wakin wayqe-panakunaqa t’aqasqa territoriopi predicanku mikhuna horasta, llank’ayta tukuspapas. Wakintaq Estudio de Libro de Congregación huñunakuy manaraq qallarishaqtin familiantin predicanku wasimasinkuta huk horata hina. Chhaynapin revisitakuna, estudiokuna tarisqanku kayllallapi kanqa, tiemponkupas kanqa, manaña sinchitachu sayk’unqaku, manataq qolqenkutapas sinchitachu gastanqaku. Pisi tiempollapitaq astawan predicankuman chayqa, wakin wayqe-panakunan mayninpiqa precursor auxiliar kankuman otaq precursor regular kaytapas atinkuman. T’aqasqa territoriopi llank’aspaqa allinta reqsinakusun chaypi tiyaqkunawan, chhaynapin paykunapas noqanchispi confianqaku. Imakunachus llakichisqanman hina predicasun chayqa, sonqonmanmi chayasun.
3. ¿Imapin huk percursorata yanaparan t’aqasqa territoriopi predicay?
3 Huk precursoratan circuitopi superintendente kallpacharan t’aqasqa territoriopi predicananpaq, paymi willakun: “Uyarikuranin niwasqanta, pisi tiempollapitaq predicasqay runakunawan allinta reqsinakurani, sumaqtataq rimanakuranipas. Allichakuranitaq tiemponku kasqan horasta visitanaypaq. Ñawpaqtaqa ruwarani kinsa chunka pisqayoq revisitakunata; kunantaq pusaq chunka revisitakunata ruwani qanchis estudiotataq qoshanipas”, nispa.
4. ¿Pimanta mañakuwaq t’aqasqa territoriota, imaynatan tukuwaqpas?
4 Pimanta mañakuna: Sichus t’aqasqa territoriopi predicayta munanki chayqa, siervo de territorios nisqa wayqewan rimay. Valekuwaqmi pi publicadortapas qanwan kuska predicananpaq. Wasipi mana pitapas tarispaqa qelqay chay wasiq direccionninta, tawa killallapitaq tukunayki t’aqasqa territorioykita. Manachus chay tiempopi tukuyta atinki chayqa, yanapayta mañakuy Estudio de Libro umalliq wayqemanta otaq huk wayqe-panakunamantapas. Tawa killapi predicayta tukuspataq chay territoriota kutichipuwaq otaq hukmanta mañakuwaq. Ichaqa manan unaypaqchu qhepachikunayki chay territoriota; huk tiempomantan kutichipunayki, chhaynapi hukkunapas mañakunankupaq. Congregacionniykiq territorion huch’uylla kaqtinqa Estudio de Libro umalliqmanta mañakuwaq huch’uy territoriota.
5. ¿Imatan ruwananchis predicay llank’ayninchista hunt’ananchispaq?
5 Kay “pachantinpi” predicasqanchisqa anchatan mast’arikushan (Mat. 24:14). Chay rayku allinta kamachinakunanchis. Congregacionwan predicay, t’aqasqa territoriopi predicaypas yanapawasunmi allin willakuykunata askha runakunaman chayachinapaq.