¿Imayna hanpichikuytaq aswan allin kanman?

Doctor Michael Rose, director médico anestesiólogo khaynata niran: “Mana yawarllawan operachikuqkunaqa aswan allintan hanpichikushanku”, nispa. ¿Imaynatataq “mana yawarta” churachikuspalla operachikusunman? Chaytaqa yachananchismi allin yuyaywan hanpichikunapaq operachikunapaqpas. Chaypaqmi qhawanayki La negativa a la sangre. La medicina acepta el reto, nisqa videota, hinaspa kay tapuykunata kutichiy may tukuy yachasqaykita reparanaykipaq. Ichaqa kay willakuymi kashan: Kay videopiqa rikukunmi operacionkunata, chay rayku tayta-mamakuna allinta reparananku huch’uy wawankunawan qhawayta munaspaqa.

(1) ¿Ima raykutaq Jehová Diospa testigonkuna yawarta mana churachikunkuchu? (2) ¿Imayna hanpichikuyta munanku Jehová Diospa testigonkuna? (3) ¿Iman hanpichikuqpa derechon? (4) ¿Ima rayku mana yawarllawan hanpichikuqta ninchis allin yuyayniyoq responsable nispa? (5) Askha yawar hich’arikuqtin, ¿imatan usqhaylla doctorkuna ruwananku? (6) ¿Imakunatan doctorkuna ruwanku mana yawarllawan operanankupaq? willay tawantinmanta. (7) ¿Imatan doctorkuna ruwankuman a) mana askha yawar lloqsinanpaq, b) glóbulos rojos mana pisiyananpaq, c) yawar yapakunanpaq, d) yawarta recuperanankupaqpas? (8) Willay iman a) hemodilución nisqa, b) yawar recuperay nisqapas. (9) ¿Imakunatan allinta tapurikunayki mana yawarllawan operanasuykipaq nisuqtiyki? (10) ¿Atikunmanchu mana yawarllawan hatun operacionkuna ruwakuyta? (11) ¿Ima allin ruwaytan doctorkuna qallarishankuña?

Kay videopi wakin tratamientokunataqa sapanka cristianon akllakunan conciencianman hina, Bibliaq yachachisqanta qhawarispa. ¿Ñachu akllakurankiña imayna hanpichikuyta qanpaq huch’uy wawaykikunapaqpas? Mana Testigo familiaykipas yachananmi imayna hanpichikuy akllakusqaykita ima rayku akllakusqaykitapas (qhawariy “preguntas de los lectores” nisqata 2004 wata 15 de junio La Atalayata; 2000 wata 15 de octubre La Atalayatawan).