¿Yachankichu imayna hampichikuyta?
Pachantinpin askha hospitalkunapiña mana yawarllawan operashanku. Qanri, ¿yachankiñachu mana yawarllawan imayna hampichikuyta? ¿Imayna hampichikuymi aswan allin kanman? Chaytaqa allintapunin yachanayki chhaynapi allinta hampichikunaykipaq, operachikunayki kaqtinpas allin yuyaywan operachikunaykipaq. Chaypaq qhaway La negativa a la sangre. La medicina acepta el reto, nisqa videota. Chaymantataq Diosmanta mañakuspa kay paginapi tapuykunata allinta t’aqwiy. Willakuy: Chay videopiqa imaymana operasqankun rikukushan, chayrayku, tayta mamakuna, huch’uy wawaykichis kan chayqa, qankunamantan kanqa qhawanankupaq mana qhawanankupaqpas.
(1) ¿Imaraykun Jehová Diospa testigonkuna mana yawarta churachikunkuchu? (2) ¿Imayna hampichikuytan munanku Jehová Diospa testigonkuna? (3) ¿Iman hampichikuqpa derechon? (4) Mana yawarllawan hampichikuyqa allin yuyaywan ruwaymi, ¿imaraykun chayta ninchis? (5) ¿Imatan usqhaylla doctorkuna ruwananku askha yawar hich’arikuqtin? (6) ¿Imakunatan doctorkuna ruwanku mana yawarllawan operanankupaq? Willay tawantinmanta. (7) ¿Imatan doctorkuna ruwankuman: ...a) mana askha yawarta usuchinankupaq? ...b) glóbulos rojos nisqa mana pisiyananpaq? ...c) yawar yapakunanpaq? ...d) ususqa yawarta hukmanta payman kutiyachinankupaqpas? (8) a) ¿Iman hemodilución nisqa? b) ¿Iman yawar recuperay nisqa? (9) ¿Imakunatan allinta tapurikunayki mana yawarllawan operanasuykipaq doctorkuna nisuqtiyki? (10) ¿Atikunmanchu mana yawarllawan sasa operacionkuna ruwayta? (11) ¿Ima allin ruwaytan doctorkuna qallarishankuña?
Sapanka cristianomantan kanqa chay videopi rikusqanchisman hinachus hampichikunqa icha manachus chayqa. Arí, chaytaqa conciencianchisman hinan akllakunanchis. ¿Allintañachu yachankichis wawaykikuna qanpas imaynatachus hampichikunaykichista? ¿Hunt’arunkiñachu CIAM (Consentimiento Informado para la Atención Médica) nisqa hojata? Chayta manaraq hunt’ashaspaqa allinta estudiay “Preguntas de los lectores” nisqata, chayqa kashan 2004 wata 15 junio killamanta La Atalaya revistapin, kallantaqmi 2000 wata 15 octubre killamanta revistapipas. Chaymantataq 2006 wata noviembre killamanta Reinopaq Servicionchispi “¿Qué opino de las fracciones sanguíneas y de los procedimientos médicos que impliquen el uso de mi sangre?” nisqata qhawariy, chhaynapin yachanki imakunatachus chaskinki imakunatataqchus mana chayta. Chay hojata hunt’aspaykitaq CIAM nisqa hojatapas hunt’allaytaq. Chaymantapas ima decidisqaykikunatan willanayki mana iñiq familiaykikunaman hinallataq akllasqayki representantekunamanpas.
[3 paginapi recuadro]
• ¿Allintañachu yachankichis wawaykikuna qanpas imaynatachus hampichikunaykichista?
• ¿Allin hunt’asqañachu kashan CIAM nisqa hojayki? Maytaña rispapas, ¿apallankipunichu chayta?