Tapuykuna

◼ ¿Pitaq takichinan Escuela del Ministerio Teocrático nisqapi, Serviciopaq Huñunakuypi, Discursopaq Huñunakuypi, Qhawaq estudianapaqpas?

Escuela del Ministerio Teocrático nisqata qallarinapaq takikunaqa tarikun octubre killa Reinopaq Servicionchispa suplementonpi. Serviciopaq Huñunakuy nisqapaq qallariy taki tukukuy takipas Reinopaq Servicionchispa iskay paginanpi tarikun. Chhaynallataqmi Qhawaq estudianapaq takikunapas tarikun revistaq iskay kaq paginanpi. Sapanka huñunakuypaqmi kan akllasqa takikuna, chaykunataqa huñunakuyta umalliqmi takichinan. Chay umalliqqa manan qatiqnin huñunakuypaq takitawanqa takichinanchu.

Ejemplopaq, Escuela del Ministerio Teocrático nisqata umalliqmi allin hamuyta qospa willanqa qallarinapaq takita, chay huñunakuy tukuytataq Serviciopaq Huñunakuy umalliq wayqeta ninqa qallarinanpaq. Chay wayqeñan takita takichinqa.

Chhaynallataq Discursopaq Huñunakuy umalliqpas llapankuman allin hamuyta qospa discurso qoqpa akllasqan takita takichinqa. Chay Huñunakuy umalliqmi mañakuywan qallarinqa otaq huk wayqetapas ñawpaqmanta akllakunman mañakunanpaq. Chaymanta Huñunakuypi umalliq willanqa discurso qoqpa sutinta, discursopi imamanta rimanantapas. Discurso tukuytataq umalliqqa agradecenqa yachachikuymanta, ichaqa manan willapananchu discursanteq willasqanta. Chaymantataq willanqa huk kaq semanapi imamanta discurso kananta, uyariqkunatataq ninqa Qhawaq estudianapaq qhepakuychis nispa. Chay huñunakuy umalliqqa manan uyariqkunataraqchu tapunan discurso qoq wayqenchispa congregacionninman napaykuyta apachinapaqqa. Chaymantataq Qhawaq estudianapaq umalliqta invitanqa chay huñunakuyta qallarinanpaq.

Qhawaq estudianapaq umalliqtaq takita takichinqa huñunakuyta qallarinapaq. Paymi Qhawaq revistata estudiachinqa imayna ruwakunanta hina, huñunakuy tukunapaqtaq takita takichinqa. Chaymantataq atikuqtinqa discurso qoq wayqeta ninqa mañakuyta ruwananpaq.

Kay yachachikuykunaman hina ruwasun chayqa, llapan congregacionkunapi imayna ruwakunanta hina huñunakuykunata ruwasun.