Día especial asambleapaq mosoq programa

Kay 2008 servicio watapaq día especial asambleaq titulonmi: “Ñoqaykuqa t’urullan kayku, qantaq llut’aqniyku kanki”, nisqa (Isa. 64:8). Kay asambleapi Bibliaq yachachikuyninkunata chaskikuqtinchisqa aswan allinpaq hap’isun Jehová Diospa yachayninta, chanin kayninta, atiyninta, munakuynintapas, paymi Hatun Yachachiqninchisqa.

Circuitoq superintendenten qonqa: “‘Allinpaq vasokuna’ hina kasunchis servicionchispi” nisqa discursota, chaypin willakunqa imaynatan askha runakuna kusikuyta tarishanku cheqaq kayta reqsisqankumanta, runamasinkuman yachachisqankumantapas. “Yuyaymanayqa pakaykuwanchismi” nisqa discursopin willakunqa imaynata Jehová Diospa kamachikuyninkunapi yuyaymanay pakaykuwasqanchista. Visitaq discursante kay discursokunata qonqa: “Amaña runakunaq kawsasqanta hinaqa kawsasunchu”, “Hatun Yachachiqwan yachachikullasun”. Chaymantapas tayta mamakunapaqpas wayna sipaskunapaqpas allinpunin kanqa kay discursokuna: “Wayna sipaskunaqa allinpunin kanku Jehová Diospaq”, “Tayta mamakunaqa yanapakunkun wawanku yachachiypi”. Demostracionkunapi entrevistakunapipas yachasunchis iñiqmasinchiskunaq maytukuyta predicaypi llank’asqankuta. Bautizakuyta munaqkunaqa rimashanankuña congregacionpa superintendente presidentenwan. Ama qonqasunchu chay semana estudianapaq Qhawaq revista apayta.

Hatun Yachachiqninchisqa hunt’anmi ima yuyaykusqantapas. Ichaqa ñoqanchismantan kanqa paypa yachachisqanta kasukunanchispaq. Jehová Diospa kamachikuyninkunata kasukuspa chayman hina kawsaqkunaqa manka ruwaqpa llut’asqan t’urumanmi rikch’akunku; manka ruwaqqa muyu-muyuchispan t’uruta llut’an sumaq manka lloqsinankama. Jehová Dioswan yachachikullasun chayqa, hatunchasunmi Qollana kasqanta, Diospa sumaq qokuyninkunatataq chaskisunpas.