Huk p’unchay huñunakuyninchis imayna kananmanta

Kay hamuq huñunakuyninchisqa khayna sutichasqan kanqa: “Dios serviyniykita qhawashallaypuni, hunt’anaykipaq”, nisqa. Chayqa horqosqa kashan Colosenses 4:17 textomantan. Kay textoq nisqanta hinapunin cristianokuna ruwayta munanchis, chaymi kallpachakunchis Dios serviyninchista allintapuni hunt’ananchispaq imaynan Jesuspas hunt’aran hinata (Juan 17:4). Apóstol Pablopas kallpachakuranmi Dios serviyninta hunt’ananpaq, chaytan ñoqanchispas ruwananchis (Hech. 20:24).

Iñiq t’aqakunata watukuq umallin (superintendente de circuito) willanqa ima sasachakuykunata predicaqmasinchiskuna atipashanku Dios serviyninkupi chayta. Chaymanta uyarisunchis kay yachachikuyta: “Tarpusqa muhuta cuidashallasun”, nisqata. Chaypin yachasun imaynata “wiñay kawsaypaq sonqoyoq” runakunata allinta yanapasunman chayta (Hech. 13:48, NM). Sucursalpa kachamusqan umallitaq “Diospa kamachinkuna kasqanchista rikuchikunchis” nisqa yachachikuymanta rimanqa. Chaypin rimanqa 2 Corintios 6:1-10 versiculokunamanta. Tardentataq rimanqa “Ancha allinpaqmi hap’inanchis Dios serviyninchista” nisqa yachachikuymanta. Chaymantapas anchatan kallpachawasun kay yachachikuykuna: “Wayna sipaskuna kuraqkunapas kusikunku Dios serviyninkupi”, nisqa, “Wayna sipaskunaqa hunt’anku Dios serviyninkuta”, nisqapiwan. Sichus bautizakuyta munanki huk p’unchay huñunakuypi otaq iskay p’unchay huñunakuypipas chayqa, huk umalliqman willanaykipacha. Chay huñunakuykunapiqa estudianchispunin Qhawaq revistata, chayrayku ama qonqasunchu revistanchis apayta.

¿Imaynatan Dios serviyninchista qhawashallasunman hunt’ananchispaq? Chaypaqqa mana imawanpas hark’achikunanchischu Jehová Diospa qowasqanchis llank’anata hunt’ananchispaq. Huk p’unchay huñunakuyninchisqa sumaqta kallpachawasun iñiyninchispi, yachachiwasuntaq imakunata ruwananchis mana pisipananchispaq chayta, chaymantapas yanapawasun Dios serviyninchista yuyaymanananchispaq, chhaynapi allinta hunt’ananchispaq.