“Gobiernoyki jamuchun” Millonninpi runakunan chhaynata mañakunku
¿Jayk’aqllapas mañakurankichu Diospaq gobiernon jamunanpaq? Chaytaqa millonninpi runakunan unay watakunamantaraq mañakushanku. ¿Imaraykun mañakunku? Jesuspunin qatikuqninkunata niran “Gobiernoyki jamuchun” nispa mañakunankupaq.
Chayllaraq Jesús Diospa gobiernonmanta willashaqtinqa manan llapantachu qatikuqninkunaqa entienderanku. Chaymi tapuranku: “¿Señor, wajmantachu Diospa gobiernonta Israelpi jatarichishanki?”, nispa. Jesusmi ichaqa mana sut’itachu chaymanta willaran (Hechos 1:6, 7). Chhaynaqa, ¿manachu jayk’aqpas Diospa gobiernonmanta yachasun? ¿Manachu yachasun jayk’aq jamunantapas?
Chayta yachanapaqmi kay qelqapi kay tapuykunata kutichisunchis:
¿Imaraykun necesitanchis Diospa gobiernonta?
¿Pin Diospa gobiernonpi kamachikunqa?
¿Imatan Diospa gobiernon runakunapaq ruwanqa?
¿Jayk’aqmi kay pachata kamachimunqa?
¿Imaraykun Diospa gobiernonta apoyananchis?
¿Iman Diospa gobiernon?