Jesuspa wañusqanta yuyarinapaq invitacionta rakisun
1. ¿Imatan ruwasunchis llapa Diosta serviqkuna 21 p’unchay marzo killamantapacha? ¿Imaraykun chayta ruwasun?
1 Ñoqanchisraykun Diospa wawan wañuran, chaymi 2009 wata 9 p’unchay abril killapi pachantinpi yuyarisunchis Jesuspa wañusqan p’unchayta (Rom. 5:6-8). Maytan munashanchis chay p’unchaypi Dios sonqo runakuna ñoqanchiswan kuska huñukunankuta. Chaypaqmi ichaqa 21 p’unchay marzo killamantapacha pachantinpi rakisunchis huk invitacionta.
2. ¿Imakunatan ruwasunman invitacionta rakishaspa?
2 ¿Imakunatan ruwasunman? Rakisqanchis invitacionpin rikhurin dibujokuna, tapuykuna, textokuna ima, chaytan qhawarichinanchis predicasqanchis runakunaman. Yaqapaschá invitacionta qhawachispa khaynata nisunman: “Kay invitaciontan apamushayki, ñoqaykuwan kuska Jesuspa wañusqan p’unchayta yuyarinanchispaq, chayqa aparikunqa 9 p’unchay abril killatan”, nispa. Chaymantataq leesunman chay hojata hinallataq chaypi tapuykunatapas. Chaymantapas nisunmanmi “Qanpas familiaykipas otaq mayqen runa pusamusqaykipas ancha allin chaskisqan kankichis”, nispa.
3. ¿Imatan ruwasunman invitasqanchis qhepaman?
3 Wakin congregacionkunaqqa hatunmi predicananku llaqta, chhayna kaqtinqa yaqapaschá umalliqkunaqa willankuman runakuna wasinkupi mana kaqtinku imaynatachus invitación hojata saqesunman chayta. Sapa semana tukuytaqa revistakunatawanmi munachina. Invitay estudianteykikunata, famaliaykikunata, yachaqmasiykikunata, llank’apakuqmasiykikunata, wasimasiykikunata hinallataq mayqen reqsisqayki runakunatapas. Qayna watan huk hermana invitasqa familianmanta kinsa chunka runakunata, chaymantataq sapankaman yuyarichiq kasqa chay p’unchay ancha allinpuni kasqanta. Kinsa chunkamanta iskay chunka phisqayoqmi risqaku chay huñunakuyman. ¡Chaywanqa maytachá chay hermanaqa kusikuran! Paykunamanta tawan Biblia estudiayta qallariranku.
4. ¿Imatan kunanmantapacha ruwashananchis? ¿Imarayku chayta ruwashana?
4 Kunanmantapacha preparakuy: Atiwaqchis chayqa, yaqapaschá astawan predicawaqchis marzo abril killakunapi. Sichus wawayki otaq estudiachisqayki runapas predicananpaq hinaña kashan chayqa, yaqapaschá chay killamanta qallarinkuman. Jesuspa wañusqanta yuyarinapaq invitacionta rakiypi allintapuni yanapakunapaqqa kunanmantapachan alistakushanaña (Juan 3:16; 15:13).