Jesuspa wañusqanta yuyarinapaq invitacionta rakisun
1. Jesuspa wañusqan yuyarina p’unchay manaraq chayamushaqtin, ¿imatan ruwasun?
1 Wañunanmanta rimashaspan Jesús nirqan: “Kaytan ruwankichis yuyariwanaykichispaq”, nispa (Luc. 22:19). Chaymi Jehová Diospa testigonkuna huk runakunapiwan huñunakusunchis kay 30 marzo killapi. Chaypaqmi 13 p’unchaymanta 30 p’unchaykama invitacionkunata rakisun.
2. ¿Imaynatan chay invitacionta rakisunman?
2 ¿Imaynatan invitasun? Chay invitacionta qhawachispan nisunman: “30 p’unchay marzo killapin huñukusaqku Jesuspa wañusqanta yuyarinaykupaq. Chaypaqmi invitasqa kashanki llapa familiantin hamunaykichipaq, pi reqsisqaykipas hamullanmanmi. Qhawariy kaypin willakushan maypichus aparikunanta, imay horaschus kanqa chaytawan”, nispa. Atikuqtinqa Lucas 22:19 textopi Jesuspa kamachikusqantan leesunman. Ichaqa pisillataq tiempo kanqa rakinanchispaq chayqa, manan unaytachu rimapayananchis.
3. ¿Pikunatan invitasunman?
3 Sichus territorioykichis hatun chayqa, umallikunaqa ninkumanmi mana pipas wasinpi tarikuqtinqa saqenankupaq. Revista munachina p’unchaykunapipas qosunmanmi invitacionta. Chaymantapas qonanchismi revisitanchiskunaman, estudiantenchiskunaman, llank’aqmasinchiskunaman, escuelapi compañeronchiskunaman, familianchiskunaman, wasimasinchiskunaman, pi reqsisqanchismanpas.
4. ¿Imaynatan Jehová Diosta agradecekusunman munakuwasqanchismanta?
4 Tukuy atisqaykita ruway. Marzo killamanta mayo killakaman allinpuni kanqa precursor auxiliar kanapaq. Sichus wawaykikuna estudianteykikunapas predicaytaña munashanku chayqa, umallikunawan rimay, paykunan qhawarinqaku predicanankupaq hinañachus kashanku chayta. ¡Maytan Jehová Diosta agradecekunchis ñoqanchisrayku Wawanta kachamusqanmanta! Chaymi kallpachakunanchis Jesuspa wañusqan yuyarina huñunakuyman hukkunatapas pusamunapaq (Juan 3:16).