¿Hayk’a valorniyoqtaq qelqanchiskunari?
1. ¿Imaynatan qhawarinanchis Jehová Diospa qowasqanchista?
1 Jesús milagrota ruwaspa askha runakunaman mikhuchisqan qhepamanmi niran: ‘Puchuq t’antata waqaychaychis’, nispa (Mat. 14:19-21). Chhayna ruwasqanwanmi Jesusqa rikuchiran Jehová Diospa qosqanta ancha allinpaq qhawarisqanta. Ñoqanchispas ancha allinpaqmi qhawarinanchis Jehová Dios ‘hunt’aq mayordomonwan’ imaymana qowasqanchista, chhaynapin rikuchisun ‘agradecekuq kasqanchista’ (Col. 3:15; Luc. 12:42; Mat. 24:45-47).
2. ¿Imatan ruwananchis revistakuna ama puchuwananchispaq?
2 Ama revistakunata yanqapaq mañakusunchu: Sichus sapa killa askha revistakuna puchuwanchis chayqa, pisillatañan mañakunanchis. Chaymantapas ñawpa killakunamanta revistakuna puchuwanchisraq chayqa, superintendente de servicio nisqa umalliqtan otaq mayqen umalliqtapas tapusunman: “¿Imaynatan chaykunata predicacionpi munachiyman?” nispa. Chay ñawpa revistakunaqa allinmi kanman predicananchispaq.
3, 4. ¿Imatan ñawpaqta ruwananchis qelqakunata manaraq mañakushaspa?
3 ¿Huk qelqakunari? Yachasqanchis hina, sapa killapaqmi qelqasqaña kashan ima qelqakunatachus munachisun chay willakuy. ¿Imatan ruwananchis chay qelqakunata manaraq mañakushaspa? Allintaraqmi wasinchispi maskhananchis; mana kaqtinñan astawan qochikusunman. Qelqakunata mañakushaspaqa chay semanapi predicanallanchispaqmi mañakunanchis, tukuqtinchisñan astawanqa mañakusunman.
4 Kikinchispaq kaq qelqakunatapas necesitasqallanchistan mañakunanchis, chaypitaq sutinchista qelqananchis, chhaynapi mayqenchus ñoqanchispa kasqanta yachananchispaq. Sichus CD-ROM Watchtower Library nisqata hap’ishanchis, revistanchiskunatapas waqaychasqata hap’ishanchis chayqa, allinmi kanman La Atalaya, ¡Despertad! nisqa tomokunata manaña mañakuy.
5. ¿Pikunan qelqanchiskunamanta donacionkunata churananku?
5 ¿Imatan willananchis qelqakunata saqeqtinchis? Qelqanchiskunataqa saqenchis lliw munaqkunallamanmi. ¿Pikunan chay saqesqanchis qelqakunamanta donacionta churananku? Ñoqanchis Jehová Diospa testigonkunan astawanqa churananchis. Ichaqa estudiantekunapas yanapakunkumanmi donacionkunata churaspa. Chaymi ima qelqatapas estudiantekunaman saqespaqa ninanchis: “Munanki chayqa churawaqmi donacionniykita, chhaynapin Diosmanta willakuy pachantinpi astawan aparikunqa”, nispa.
6. ¿Imaraykun qelqanchiskunata ancha allinpaq qhawarinanchis? ¿Imatan ruwananchis chayta yachaspa?
6 Jesusqa runakunataña mikhuchiran chaypas, paypaqqa Diosmanta yachachiymi aswan importante karan. Chaymi niran: “Manan t’antallawanchu runaqa kawsanqa, aswanpas Diospa llapa siminwanmi”, nispa (Mat. 4:4). Qelqanchiskunapiqa ancha allin yachachikuykunan kan, chaykunaqa wiñay kawsaymanmi apawasunman (Juan 17:3). Chayraykun ancha allinpaqpuni qelqanchiskunata hap’inanchis.