Bibliamanta qelqanchiskunata ama usuchisunchu
1, 2. ¿Imaninmi runakuna qelqanchiskunamanta, imatan tapukunanchis?
1 “1965 watamanta pachan qelqaykichiskunata leeshani. Leesqayman hina Bibliawan tupachini, llapantaqmi tupan. Cheqaqtan Diosmantapas Jesusmantapas yachayta munarani; cheqaqta nini, qelqaykichispi, Bibliapiwanmi tapukusqayman kutichiykunata tarini.” Chhaynatan huk runa qelqaran Jehovaq testigonkunaq oficina central nisqaman, Bibliamanta estudiota mañakuspa.
2 Chay runa hinan teqsimuyuntinpi askha runakuna agradecekunku “allin yuyayniyoq huntaq kamachi” Bibliamanta yachanapaq ruwamusqanku qelqakunamanta (Mat. 24:45). Sapa watan ruwakun askha qelqakunata, sumaq sonqo runakuna ‘cheqaq-kayta reqsinankupaq’ (1 Tim. 2:4). ¿Imatan ruwasunman Bibliamanta qelqanchiskunata mana usuchinapaq?
3. ¿Imatan ruwasunman qelqakuna mana usunanpaq?
3 Allin yuyaywan orqosun: Tiempoq risqanman hina askhapaschá qelqanchiskuna huñukunqa. ¿Imatan ruwasunman kay qelqakuna mana usunanpaq? Allin yuyaywanmi predicanapaq qelqakunata mañakunanchis. Askha qelqakuna orqonamantaqa, aswanpas hukta otaq iskayta sapanka qelqamanta orqosunman, chaykunata runakunaman saqespañan hukkunata mañakusunman. Chayta ruwaqtinchismi manaña wasinchispi huñukunqachu. Revistanchiskunapas huñukuqtinqa mañakusqanchistan pisiyachina.
4. ¿Imatan ruwakunman congregacionpi puchuq qelqakunawan?
4 Askha qelqakuna puchuqtin: Congregacionpi askha qelqakuna kaqtinqa, qelqakunamanta coordinadormi qhawarinan ima congregacionkunapi chay qelqakuna necesitasqankuta. Publicadorkunapas munachinkumanmi ñawpa killakunapi lloqsimuq qelqakunata mana iñiq familiankuman, Bibliamanta yachachisqankuman, hukkunamanpas. Chayllaraq huñunakuyman hamuqkunapas munankumanmi chay qelqakunata, chaykunawan bibliotecankuta ruwanankupaq.
5. ¿Imaynatan rikuchisunman qelqanchiskuna chanin kasqanta?
5 Munanchismi runakuna qelqanchiskunaq yanapayninwan Jehová Diospa sumaq munayninmanta yachanankuta. Imaynan Jesuspas askha runakunaman mikhunata rakispa mana usuchiranchu, chhaynallatataqmi ñoqanchispas Bibliamanta chaniyoq qelqakunata mana usuchinachu (Juan 6:11-13). Qelqanchiskunapi qespichiq willakuykunaqa manan chanin-kaqta munakuqkunaq sonqonman chayanqachu, bibliotecanchispi, predicanapaq bolsonninchispi otaq maletinninchispipas waqaychaqtinchisqa. Chay rayku allin yuyaywan mañakusun predicanapaq qelqakunata, runamasinchispa allinninpaq kasqan rayku ama usuchisunchu (Fili. 4:5).