Maypi tarikuspapas predicashallasunpuni
1. Willay imaynapin maypiña kaspapas predicay allinpi tukurqan chayta.
1 Maypiña tarikuspapas predicayqa ancha allinpunin. Chhayna predicaymantan Bibliapi willakun allinpi tukusqanta (Juan 4:7-15). ¿Imaynatan preparakusunman maypiña tarikuspapas predicanapaq?
2. ¿Imaynatan p’achakuyninchis yanapawasunman predicanapaq?
2 ¿Imaynatan p’achakunanchis? Sichus imayna p’achakuyninchis mana allintachu sientechiwanchis chayqa, yaqapaschá p’enqakusun predicayta, ichaqa Diospa sumaq qhawarinanpaq hina p’achakusun chayqa, mana p’enqapakuspan predicasun (1 Tim. 2:9, 10). Chaymantapas sumaqta p’achakusun limpiotaq p’achanchis kanqa chayqa, runakunan yachayta munanqaku imaraykun chhayna p’achakusqanchista. Chaytan reparasqa huk musulmán runa. Paymi viajasharqan warmi-qhari Testigokunawan, chaymi sumaq p’achasqa kasqankuta rikuspa tapusqa: “¿Cristianochu kankichis?” nispa; chaypi rimayta qallarisqaku kinsa horata hinaraq.
3. ¿Hayk’aqllapas Jesús hina pitapas rimapayarqankichu?
3 ¿Imaynatan rimayta qallarisunman? Jesusqa samaritana warmiwan Jacobpa p’uytun patapi kashaspaqa entiendenanpaq hinan rimayta qallarirqan pisi unullata mañakuspa. Chhaynallataq ñoqanchispas rimayta qallarisunman pisillata rimaspa otaq huk tapuyta ruwaspa. Mayninpiqa manapaschá rimanapaq hinachu sientekusunman, ichaqa Jehová Diospa yanapayninpin confiananchis, paymi ‘kallpachawasun’ rimayta qallarinapaq (1 Tes. 2:2).
4. ¿Imaynatan preparakusunman maypipas predicanapaq?
4 ¿Imaynatan predicasunman maypi tarikuspapas? Askha wawqe-panakunan allinta predicanku maypi tarikusqankupipas. Ñoqanchispas atisunmanmi. Chayraykun ñawpaqmantaña piensananchis imayna predicanata, chaymantataq maskhananchis maypichus askha runakuna kashan chayta; chaymantapas apallasunmantaq rimanapaq hina qelqakunata Bibliatapas. Allin reparaqmi kananchis, llapan runakunapitaq interesakunanchis. Chhaynapin allin preparasqa kasun allinta predicanapaq (Fili. 1:12-14; 1 Ped. 3:15).
5. ¿Imaraykun ñawpaqmantaña yuyaykunanchis maypipas predicanapaq?
5 ¿Imaraykun maypi tarikuspapas predicananchis? Jehová Diosta munakuspa, runamasinchista munakusqanchispiwan (Mat. 22:37-39). Pisillañataq predicananchispaq tiempo kashan chayqa, maypiña tarikuspapas predicashanallanchismi. Liston kashananchis Diospa Gobiernonmanta allin willakuykunata predicanapaq manaraq kay tiempo tukukapushaqtin (Rom. 10:13, 14; 2 Tim. 4:2).