Tukuy tiempon Testigokuna kanchis
1. ¿Imatan yachanchis Jesuspa huk warmita p’uytu patapi predicasqanmanta?
1 Huk kutinmi Jesusqa Galilea llaqtata risharqan, sinchita purimusqanpitaq sayk’usqa ch’akisqa ima kasharqan, chaymi Samariaq huknin llaqtaq chimpanpi tiyaykurqan. Chaypi samashanankamataq qatikuqninkuna mikhuna rantimuq rirqanku. Jesusqa pasashallarqanmi chay llaqtaq chimpanta, chaywanpas payqa predicarqanmi huk unuman hamuq warmita (Juan 4:5-14). ¿Imaraykun chayta ruwarqan? Jehová Diospa tukuy tiempo “cheqaq rimaq hunt’aq testigon” kasqanrayku (Apo. 3:14). Jesús hina kayta munanchis chayqa, tukuy tiempon Jehová Diosmanta willashanallanchis (1 Ped. 2:21).
2. ¿Imaynapin listo kasunman maypiña kaspapas predicananchispaq?
2 Allin preparasqa kasun: Maytaña rispapas apananchismi qelqanchiskunata, chhaynapin listo kashasun predicananchispaq. Wakin iñiqmasinchiskunaqa tratado nisqa hojachakunatan apallankupuni, chhaynapi llank’apakuqkunaman, grifopi atiendeqkunaman, pi runamanpas qonankupaq (Ecl. 11:6). Huk hermanapas, viajashallantaq chayqa, maymanpas apanpunin Biblianta ¿Imatapunin Biblia yachachin? nisqa librontawan, hinaspa llapa ladonpi tiyaykuqta predican.
3. ¿Imaynatan predicayta qallarisunman?
3 ¿Imaynatan predicayta qallarisunman? Jesusqa manan: “Mesiasmi kani”, nispachu unuman hamuq warmita predicarqan, aswanmi “unuta ukyarichiway”, nispalla nirqan. Chayllawanmi chay warmiqa imaymanamanta tapukuyta qallarirqan (Juan 4:7-9). ¿Imatan chaymanta yachanchis? Ñoqanchispas manan Bibliamanta willaspallañachu predicayta qallarina. Yachasunchis huk hermanamanta. Pipas ima fiestamantapas tapuqtinqa payqa manan: “Jehová Diospa testigonmi kani, chaymi mana chayta festejanichu”, nispachu nin, aswanmi payqa: “Manan chaytaqa festejanichu”, nispalla nin. Chhaynata nisqanraykun yaqa llapallan tapuqninkuna “¿imarayku?”, nispa tapuykullankutaq; chay qhepamanñan payqa Bibliamanta willan.
4. ¿Imaynatan Mateo 28:18-20 texto kallpachasunki?
4 Manaña Jesús kay pachapichu kashan chaypas, makillan qhawamuwashanchis allin willakuykuna willasqanchista, chayta ruwananchispaqmi payqa kamachiwarqanchis (Mat. 28:18-20). Chhaynaqa, pay hinayá kallpachakusunchis maypiña kashaspapas suyakuyninchismanta willashanallanchispaq (Heb. 10:23).