Diospa siminta willashallasunpuni
1. ¿Ima ruwananchispaqmi apóstol Pablo kallpachawanchis?
1 Apóstol Pablon nirqan: “Diospa siminta willay, atikuqtinpas mana atikuqtinpas willallaypuni”, nispa (2 Tim. 4:2). ¿Imaraykun allinpuni chay nisqanpi yuyaykuy? ¿Imapin ñoqanchista hukkunatapas yanapanman?
2. ¿Imaraykun maskhashanallanchis manaraq uyariqkunata?
2 Askhan wañunkuman: Waranqanpi runakunan manaraq uyarinkuchu allin willakuykunata, manachus chayta uyarinqaku chayqa wañunkumanmi (Rom. 10:13-15; 1 Tim. 4:16). Sapa kutiña predicashanchis chaypas, manaraqmi wakintaqa tarinchischu. Chhaynaqa, ¿imatan ruwananchis? Kallpachakunanchismi huk p’unchaykunapi otaq huk horakunapi predicanapaq, chhaynapin askha runakunawan rimasunman. Tukuy atisqanchista ruwasun chayqa, conciencianchisqa manan huchachawasunchu, manataqmi huchayoqchu kasun runakuna wañunanpaq (Hech. 20:26).
3. ¿Imatan ruwananchis tiemponchista mana usuchinapaq?
3 Ñawpa tiempo cristianokunata askhaña hark’arqanku predicanankuta chaypas, ‘Jerusalén llaqtamanmi yachachikuyninkuta hunt’aykurqanku’ (Hech. 5:28). ¿Paykuna hinachu ñoqanchispas “llapa runaman” predicayta munashanchis? (Hech. 10:42.) ¿Tiempota mana usuchispachu predicashanchis? Wasin-wasintaña predicashanchis chaypas, ¿calle pasaq runakunatapas predicanchischu?
4. ¿Imaraykun tiemponchista mana usuchispa predicananchis?
4 Makilla kanapaqmi yanapawanchis: Tukukuy tiempopi kasqanchisraykun maki rikch’asqalla kashananchis (1 Tes. 5:1-6). Sichus sapa kuti Diospa Gobiernonmanta rimashallasun chayqa, manan pisipasunchu kay kawsaypa llakichikuyninkunawan (Luc. 21:34-36). Sichus ‘makillaña suyashanchis’ Diospa p’unchayninta chayqa, kallpachakusunmi astawan predicananchispaq chhaynapi runakuna salvasqa kanankupaq (2 Ped. 3:11, 12).
5. ¿Imaynatan rikuchisunman runakuna mana wañunankuta munasqanchista?
5 Sichus tiemponchista mana usuchispa predicasun chayqa, Jehová Diospa munasqantan hunt’asun; payqa ‘manan pitapas chinkananta munanchu, aswanmi huchata saqespa payman llapa kutirikunankuta munan’ (2 Ped. 3:9; Eze. 33:11). Chayrayku tukuy atisqanchista ruwasun llapa runakunaman predicanapaq, chhaynapin Jehová Diosta hatunchasunchis (Sal. 109:30).