¿Hunt’ankiñachu CIAM nisqata?

CIAM nisqaqa Consentimiento Informado para Atención Médica ninantan nin. Chaytaqa llapa bautizasqa Testigokunan hap’inanchis. ‘Manataq yachanchischu imachus paqarin sucedewananchista’ chayqa, ñawpaqmantañan chay documentopi qelqananchis imayna hampiwananchistachus ima tratamientotachus munanchis chayta (Sant. 4:14; Hech. 15:28, 29). Chaykunata allinta entiendenanchispaqmi kan Asistencia médica sin transfusiones. Necesidades y derechos del paciente nisqa video. Chaytan qhawana, chaymantataq Diosmanta mañakuspa kay paginapi tapuykunata allinta t’aqwina. (Chay videopiqa imaymana operasqankun rikukushan, chayraykun tayta mamakuna decidinanku huch’uy wawankuna qhawanqakuchus manachus chayta.)

1) ¿Imaraykun wakin doctorkuna mana yawarllawan operanankupaq yuyaykushanku? 2) Willay kinsa sasa operacionkunamanta, mana yawarllawan operasqankumanta. 3) ¿Hayk’a doctorkunan listo kashanku mana yawarllawan operanankupaq? ¿Imaraykun chayta decidinku? 4) Qayna watakunan askha hospitalkunapi estudiarqanku yawar churanamanta, ¿imatan chaypi entienderqanku? 5) ¿Ima peligron kan yawarwan operachikuqkunapaq? 6) ¿Ima nishankun askha doctorkuna hukniray tratamientokunamanta? 7) ¿Imanaqtinmi anemia onqoy rikhurin? ¿Maykaman cuerponchis chayta aguantanman? ¿Ima tratamienton kan chaypaq? 8) ¿Imatan doctorkuna ruwankuman glóbulos rojos nisqa mana pisiyananpaq? 9) ¿Imatan doctorkuna ruwankuman operashaspanku yawarta mana usuchinankupaq? 10) Wawakunapas askha yawar pierdeqkunapas ¿operachikunkumanchu mana yawarllawan? 11) ¿Imatan doctorkuna respetananku allinta atiendenankupaq? 12) ¿Imaraykun ñawpaqmantaña qelqananchis mana yawarllawan hampiwananchista operawananchistapas? ¿Imaynatan chayta ruwasunman?

Sapankanchismantan kanqa chay videopi rikusqanchisman hinachus hampichikusun icha manachus chayqa. ¿Decidinkichisñachu wawaykikuna qanpas imaynatachus hampichikunaykichista? ¿Hunt’ankiñachu CIAM nisqa hojata? Chayta manaraq hunt’ashaspaqa allintaraq estudiay ‘Diospa munakuynin’ nisqa libropi 7 capitulota, ima qelqakunatachus maskhananchispaq chaypi nishan chaykunatawan. Qhawarillaytaq 2006 wata noviembre killamanta Reinopaq Servicionchispi suplemento nisqata. Chay hojata hunt’aspaykitaq CIAM nisqa hojatapas hunt’allaytaq. Chaymantapas ima decidisqaykikunatan willanayki mana iñiq familiaykikunaman hinallataq akllasqayki representantekunamanpas.

[3 paginapi recuadro]

• ¿Decidinkichisñachu wawaykikuna qanpas imaynatachus hampichikunaykichista?

• ¿Apallankipunichu maytaña rispa CIAM nisqa hojaykita allin hunt’asqata?