¿Qhepamanña hunt’anaykipaqchu saqeshanki?
¿Imamanta rimashanchis? CIAM (Consentimiento Informado para la Atención Médica) nisqa documento hunt’aymanta, chay documentotaqa bautizasqa Testigokunalla hap’inchis. ‘Manan yachanchischu imachus paqarin sucedenawanchista’ qonqayllamantan onqosunman, chaymi allinta yachananchis ima tratamientotachus chaskiyta munanchis chayta, qelqananchistaq allinta sut’inchananchispaq (Sant. 4:14; Hech. 15:28, 29). Chay decidesqaykikunapi yanapanasuykipaqmi kashan Asistencia médica sin transfusiones. Necesidades y derechos del paciente nisqa video. Qhaway videota, Diosmanta mañakusqayki qhepamantaq chay videopi yachasqaykita kutichiy qatimuqpi tapuykunaq yanapayninwan. (Kay videopin rikukun medicokunaq operasqanta, chaymi tayta mamakuna allinta reparakunaykichis huch’uy wawaykichiskunawan qhawaspa.)
(1) ¿Imanaqtinmi wakin medicokuna wakmanta t’aqwishanku yawar churachikuymanta? (2) Willay kinsa operacionkunamanta mana yawarllawan ruwasqankuta. (3) ¿Hayk’a operaq medicokunan mana yawarta churaspalla hanpiyta munanku? ¿Imanaqtinmi chhayna hanpiyta munanku? (4) ¿Imatan rikuchin askha hospitalkunapi yawar churaymanta mosoq yachaykuna tarisqanku? (5) ¿Ima sasachakuykunatan cuerponchispaq apamun yawar churachikuy? (6) ¿Ima ninku askha yachayniyoq medicokuna mana yawar churachikuymanta? (7) ¿Imamantan hap’in upichu otaq anemia onqoy? ¿Maykamataq upichu onqoywan runaq cuerpon aguantanman? ¿Imatan ruwakunman yanapanapaq? (8) ¿Imaynatan onqosqa runaq cuerponpi yapakunman glóbulos rojos nisqata? (9) ¿Operashaqtinku imakunatan ruwakunman yawarta mana usuchinapaq? (10) ¿Hanpinkumanchu mana yawarta churaspalla wawakunata otaq usqhaylla hanpina onqosqakunatapas? (11) ¿Imatan medicokuna respetananku hanpisqanku allin kananpaq? (12) ¿Ima raykun cristianokuna ñawpaqmanta willananchis mana yawar churachikuy munasqanchista? ¿Imaynatan chayta ruwasunman?
Kay videopi askha tratamientokunamanta yachachikushan, mayqentachus chaskinapaqqa sapanka cristianon akllakunanchis Bibliaq yachachisqan conciencianchisman hina. ¿Ñachu akllakurankiña qanpas wawaykipas ima tratamientota chaskinaykichispaq? Chaykunamanta astawan yachanaykipaq “Preguntas de los lectores” nisqata qhaway kay revistakunapi: 2004 watamanta 15 de junio La Atalayata, 2000 watamanta 15 de octubre La Atalayatawan, qhawallawaqtaqmi “¿Qué opino de las fracciones sanguíneas y de los procedimientos médicos que impliquen el uso de mi sangre?” nisqa temata 2006 wata noviembre killa Reinopaq servicionchispa suplementonpi. Qanmanta rimaq runapas mana iñiq familiaykipas yachananku imayna hanpichikuy munasqaykita.