Diospaq llank’ayninchismi ñawpaqpi kanan
1. ¿Imaynatan Jesús rikuchirqan predicay aswan importante kasqanta?
1 Jesuspaqqa predicaymi aswan importante karqan. Chaymi chakillapi purispa Palestinapi kaq llapa llaqtakunapi predicarqan. Payqa imachus necesitasqallanwanmi kawsarqan Diospaq llank’ayninta hunt’ananpaq (Mat. 8:20). Askha runakunan llaqtankupi qhepachiyta munarqanku onqosqakunata hampinanpaq. Jesusmi ichaqa nirqan: “Huk llaqtakunamanpas Diospa qhapaqsuyunmanta allin willakuykunataqa willamunaymi, chaypaqmi Diosqa kachamuwarqan”, nispa (Luc. 4:43).
2. ¿Imaraykun Jesús predicayta ancha allinpaq qhawarirqan?
2 ¿Imaraykun Jesús predicayta ancha allinpaq qhawarirqan? Diospa sutinta hatunchananrayku (Mat. 6:9). Chaymantapas Taytanta munakuspan munayninta hunt’ayta munarqan kamachikuynintapas kasukuyta (Juan 14:31). Hinaspapas runakunata munakuspan yanapayta munarqan (Mat. 9:36, 37).
3. ¿Imaynatan rikuchisunman predicayta ñawpaqman churasqanchista?
3 Jesusta qatikusun. Yaqapaschá ñoqanchisqa mana Jesús hinachu predicayninchista aparisun imaymana ruwanayoq kasqanchisrayku, otaq kay pacha afanakuykunapi kasqanchisrayku (Mat. 24:37-39; Luc. 21:34). Chaywanpas aswan allin kaqtan akllakunanchis, t’aqananchismi tiemponchista preparakunanchispaq predicacionman lloqsinanchispaqpas (Fili. 1:10). Chaymantapas imachus kaqnillanchiswanmi kawsananchis, manataqmi kay pacha kaqkunawan afanakunachu (1 Cor. 7:31).
4. ¿Imaraykun Diospaq llank’ayninchis ñawpaqpi kanan?
4 Allin yuyayniyoq runaqa manaña tiempon kanmanchu chaypas, allin kaqtan ñawpaqta ruwan. Hatun parapas otaq wayrapas chayamunanta yachaspaqa ima ruwanankunatapas saqesparaqmi familianta yanapan vecinonkunamanpas willan. Armagedón qallarinanpaqpas pisillañan kashan (Sof. 1:14-16; 1 Cor. 7:29). Chayrayku sichus ñoqanchispas uyariqninchiskunapas qespikuyta munanchis chayqa, maypiña tarikuspapas kikinchistan allinta qhawarikunanchis, hinallataq yachachikuyninchistapas (1 Tim. 4:16). Arí, qespichisqa kananchispaqqa Diospaq llank’ayninchismi ñawpaqpi kanan.