¡Octubre killapi estudiokunata qallarisun!
1. ¿Imatan munachisun octubre killapi?
1 Octubre killapin munachisun Qhawaq, ¡Despertad! revistakunata. Predicasqanchis runa astawan yachayta munaqtinqa ¿Hayk’aqllapas kaykunata tapukurankichu? nisqa tratadowanmi hukpi kutisunman estudiota qallarinanchispaq. ¿Imaynata?
2. Revistakunata chaskikuq runaman kutispa, ¿imaynatan estudiota qallarisunman Tapukurankichu nisqa tratadowan?
2 ¿Imaynatan tratadowan yachachina? Kayta niwaq: “Qayninpa saqesqay revistakunan askha runakunata yanapashan Bibliamanta yachanankupaq. [Tapukurankichu nisqa tratadota qoy qhawachiytaq chaypi kaq tapuykunata.] Bibliapin tarikun chay tapuykunaman kutichiykuna. ¿Mayqenmantan yachayta munawaq?” nispa. Makilla uyariy kutichisqanta. Chaymanta kuska leeychis tratadopi kaq kutichiykunata maskhaychistaq huk textota. Willay Biblia hukkunamantapas yachachisqanta, qoytaq Imatapunin librota. Kaypiqa kaykunatan ruwawaq: niwaqmi índice nisqapi huk temata maskhananpaq, chaypitaq ñawpaqpi kaq parrafokunamanta yachawaqchis. Otaq tratadomanta rimasqaykichista astawan yachananpaq libropi chayman hina temata maskhawaqchis. Qatiqninpi willashan imayna ruwanapaq.
● ¿Yuyarikunchu Dios ñoqanchismanta? (págs. 10, 11 párrs. 6-10)
● ¿Hayk’aqllapas tukunqachu guerrakuna llakikuykunapas? (pág. 12 párrs. 12, 13)
● ¿Maypipas wañupuqkuna kawsashankumanraqchu? (págs. 59, 60 párrs. 7, 8)
● ¿Hayk’aqllapas wañuqkuna kawsarimpunkumanchu? (pág. 71 párrs. 13-15)
● ¿Imaynatan Diosmanta mañakunanchis uyariwananchispaq? (págs. 166, 167 párrs. 5-8)
● ¿Imatan ruwananchis kusisqa kawsananchispaq? (pág. 9 párrs. 4, 5)
3. ¿Imatan ruwasunman kutisqanchispi estudiota mana qallariyta atispa?
3 Sichus kutisqaykipi Imatapunin nisqa librowan estudiota mana qallariyta atinkichu chayqa, niwaqmi hukpi kutinaykipaq. Imayna uyarisqanman hina, yaqapaschá manaraq librota qhawachishaspa hukkunapi kutispa tratadopi huk tapuykunamanta rimawaqchis. Arí, chay tratadowanmi yanapachikusunman octubre killapi estudiokunata qallarinapaq, chhaynapin llamp’u sonqo runakunata yanapasun Diosta reqsinankupaq (Juan 8:31, 32).