Mosoq folletowan llank’asun
1. ¿Ima qelqatan munachisun noviembre killapi? ¿Imaraykun chay folletowan llank’asun?
1 ¿Yuyashankichu 2009 watapi “Makilla kashaychis” nisqa kinsa p’unchay huñunakuyninchispi La Biblia y su mensaje nisqa folleto lloqsimusqanta? Chay folletowanmi noviembre killapi Hallp’antinpi predicakunqa. ¿Imaynatan kay folleto runakunata yanapanqa? Askha runakunan mana ancha Bibliamanta yachankuchu astawanqa Cristopi mana iñiq runakuna. 3 paginapi nisqan hina, kay folleton paykunata yanapanqa ‘Bibliaq yachachisqanta entiendenankupaq’.
2. ¿Imaynatan folletota munachisunman?
2 ¿Imaynata munachisunman? Yaqapaschá nisunman: “Imaniwaqmi kay textomanta [leey 2 Timoteo 3:16]. Askha runakunan creenku chay textoq nisqanpi, hukkunan ichaqa runakunaq ruwasqanta hinalla Bibliata rikunku. ¿Qanri, imaynatan Bibliata qhawarinki? [Uyariy kutichisqanta.] Huk religionmantaña kanchis chaypas llapanchistan Bibliamanta yachayqa yanapawasunman [3 paginaq qallariyninpi nisqanta leey]. Kay folletopi sonqoman chayaqta pisillapi Bibliamanta yachachisqanta leesqaykiman hinan yachanki imamantan Biblia willashan chayta”, nispa.
3. ¿Imanispan predicasunman Cristopi mana iñiq runakunaman?
3 Cristopi mana iñiq runakunawan tupaspaqa yaqapaschá nisunman: “Imaniwaqmi Diospa Qelqanpi kay nisqanmanta [leey Salmo 37:11]. ¿Imaynan kay Hallp’api kawsay kanman chay textoq nisqan hunt’akuqtin? [Uyariy kutichisqanta.] Chaypi leesqanchismi rikuchin imaynatan Biblia llapa runakunata kallpachan suyakuytapas qon”, nispa. 3 paginapi ñawpaq parrafota leespa folletota munachiy.
4. ¿Imaynatan mosoq folletowan estudiota qallarisunman?
4 Estudiota qallarinapaq. Uyarikuq runaman kutispaqa yuyarichisunmanmi ñawpaqpi parlasqanchista. Chayman hinan huk temata akllaspa huk otaq iskay parrafokunata t’aqwisunman tukuyninpi tapuykunatataq ruwasunman. Otaq Imatapunin librowan qallariyta munaspaqa folletoq tukuyninpi nisqanta leespan librota qosunman, tapusunmantaq: “¿Mayqen capitulomanta yachayta munawaq?” nispa, akllakusqanman hinataq huk otaq iskay parrafokunata leesunman. Llapallanchis kallpachakusun noviembre killapi chay folletowan llank’ananchispaq.