Sutiyki yupaychasqa kachun
1. ¿Imamantan rimakunqa 2012 watapi iskay p’unchay huñunakuypi? ¿Maypin tarikun?
1 1931 watamantapachan Jehová Diospa testigonkuna nisqa sutiwan reqsisqa kanchis, chaymi may sumaq Tukuypi Kamachikuqpa sutinta apayqa. Pay kikinmi chay sutita churawarqanchis (Isa. 43:10). Jesuspas ancha chaninpaqmi Taytanpa sutinta hap’irqan, chaymi qatikuqninkunata mañakuypi yachachirqan Taytanpa sutinta ancha chaninpaq hap’inankuta (Mat. 6:9). 2012 watapi iskay p’unchay huñunakuypin rimakunqa: “Sutiyki yupaychasqa kachun” nisqamanta, chaytan Jesús Yayayku mañakuypi yachachirqan.
2. ¿Imakunamantan huñunakuypi yachachikunqa?
2 ¿Imakunamantan yachachikunqa? Sábado p’unchaytan uyarisun: “Diospaq tukuy tiempo llank’aqkuna hina Diospa sutinta reqsichisun” nisqa discursota; chaypin reparachiwasun imaraykus chay ruwasqanchis ancha kusikunapaq kasqanta. “Ama Diospa sutinta p’enqaypi churasunchu” nisqa tawa t’aqa discursokunapin yachachiwasunchis tawa toqllakunamanta ayqenapaq. “¿Imaraykun Diospa sutin yupaychasqa kanan?” nisqa discursopas tanqawasun rawrashaq sonqowan astawan predicanapaq, chikallanta uyariqkunatapas. Domingo p’unchaytaq tawa discursokunapi yachachikunqa imaynatan Diospa sutinta yupaychasunman yuyaykusqanchiswan, rimayninchiswan, kawsayninchiswan, ima ruway akllasqanchiswanpas. Visitamuwaqninchiskunapas uyariytachá munanqaku kay discursota: “Jehová Diosmi Armagedonpi sutinta ch’uyanchanqa” nisqata.
3. ¿Imaynatan Diospa sutinta hap’inanchis? ¿Imaynatan iskay p’unchay huñunakuy chaypaq yanapawasun?
3 Jehová Diosqa ch’uyanchanqañan sutinta (Eze. 36:23). Chay tiempo chayamunankamaqa ch’uyatan sutinta hap’inanchis. Iskay p’unchay huñunakuypi yachasqanchismi yanapawasun Jehová Diospa testigonkuna kasqanchista rikuchinapaq.