¿Imaraykun predicananchis?

¿Imaraykun wasin-wasinta predicanchis Bibliamantapas estudiokunata qonchis? ¿Dios sonqo runakuna kawsay ñanta tarinallankupaqchu? (Mat. 7:14.) Chayqa kashan ñawpaqpin qatimuq listapi, ichaqa manan chaychu aswan importanteqa. Chhaynaqa, ¿mayqenraykun predicanchis?

1. Runakuna salvakunankupaq (Juan 17:3).

2. Millay runakuna willasqa kanankupaq (Eze. 3:18, 19).

3. Bibliaq nisqanta hunt’akunanpaq (Mat. 24:14).

4. Diospa chanin kayninta rikuchinapaq. Jehová Dios millay runakunata wañuchiqtinqa mana pipas ninqachu: “Ñoqaqa manan yacharqanichu”, nispa (Hech. 17:30, 31; 1 Tim. 2:3, 4).

5. Kay llank’aypi ruwaysikuspaqa Diospa kamachiwasqanchistan hunt’ashanchis, chayqa Diosta astawan reqsinankupaq runakunata yanapaymi, paymi Churinpa yawarninwan runakunata rantirqan (Rom. 1:14, 15).

6. Millay runakunaq wañuchisqa kasqankumanta mana huchayoq kananchispaqmi (Hech. 20:26, 27).

7. Ñoqanchis kikinchis salvakunanchispaqmi (Eze. 3:19; Rom. 10:9, 10).

8. Runamasinchis munakusqanchista rikuchinapaq (Mat. 22:39).

9. Jehová Diosta Churintapas kasukusqanchistan rikuchinchis (Mat. 28:19, 20).

10. Diostan yupaychanchis (Heb. 13:15).

11. Diosta munakusqanchistan rikuchin (1 Juan 5:3).

12. Jehová Diospa sutinta ch’uyanchanapaqmi (Isa. 43:10-12; Mat. 6:9).

Ichaqa manan chaykunaraykullachu predicashanchis. Predicacionqa iñiyninchistan kallpachan Diospa llank’aysiq-masin kananchispaqtaq yanapawanchis (1 Cor. 3:9). 12 kaqmi ichaqa aswan importanteqa. Imaynataña runakuna willakuyninchista chaskiwanchis chaypas, predicayninchisqa Diospa sutinta ch’uyanchanapaqmi. Hinaspapas chayta ruwasqanchisraykun Jehová Diosqa k’amiqninman kutichinqa (Pro. 27:11). Chaymi ‘sapa p’unchay yachachishanalla [...] allin willakuykunatapas willashanalla’ (Hech. 5:42).