Ama atipachikuychu sinchi ruwanakunawan
1. ¿Imaraykun wakinkuna mana munankuchu estudio qoyta?
1 Wakinkunaqa mana tiempoyoq kasqankuraykun Bibliamanta estudio qoyta mana munankuchu. Estudio qoyqa tiempopaqmi, chaypaqmi allinta preparakunanchis, paywan estudiananchis, sasachakuypi tarikuqtinpas yanapananchis. Apóstol Pablon nirqan tukuy tiemponwan cheqaq yachachiykunata Tesalonicenses iñiqkunaman willasqanta (1 Tes. 2:7, 8). ¿Imaynatan tiempota t’aqasunman Bibliamanta estudiota qonapaq?
2. ¿Imaynatan Diosta munakusqanchis yanapawanchis tiemponchista t’aqananchispaq?
2 Diosta serviyqa tiempopaqmi. Dios serviyninchispiqa sapa semanan tiempota horqonanchis predicananchispaq, Bibliata leenanchispaq mañakunanchispaq ima. Kaypi yuyaykusun: imaymanaña casado runaq ruwanan chaypas tiempotan horqon munakusqan qosanwan otaq esposanwan kuska kananpaq. Ñoqanchispas Jehová Diosta munakunchis chayqa astawanraqchá tiemponchista t’aqananchis payta yupaychananchispaq (Efe. 5:15-17; 1 Juan 5:3). Jesusmi nirqan yachachisqan kanankupaq runakunata maskhananchista, chay ruwaypas Dios serviymi (Mat. 28:19, 20). Chaypi yuyaykuymi yanapawasun chay llank’ayta allinta aparinanchispaq.
3. ¿Imaynatan Bibliamanta estudiota qoshallasunman ima sasachakuypiña tarikusunman chaypas?
3 ¿Imatan ruwasunman onqosqanchisrayku, llank’ananchisrayku otaq iñiq t’aqapi askha llank’aykuna kasqanrayku tiemponchis mana aypawaqtinchis? Onqosqa kaspan wakinqa estudiantenkuta ninku wasinkuman rinankupaq. Sapa kuti viajananku kaqtintaq telefonopi otaq computadorapi estudiota qonku. Wakin cristianokunataq huk iñiq masinkuta valikunku pay mana kaqtin estudiantenta yanapananpaq.
4. ¿Ima bendicionkunatan chaskisun Bibliamanta estudiota qospa?
4 Apóstol Pabloqa cheqaq kaymanta hukkunata yachachinanpaqmi tiemponta kallpanta qorqan, chaywanmi kusisqa sientekurqan (Hech. 20:35). Tesalónica llaqtapi kallpachakusqan allinpi tukusqanta rikuspan Jehová Diosman graciasta qorqan (1 Tes. 1:2). Sichus tiemponchista aypachikuspa Bibliamanta estudiota qosun chayqa kusisqan Diosta servisun.