Jesuspa Wañupusqanta Yuyarina P’unchaypaq allichakusun
1. ¿Imanaqtinmi allinninchispaq chay huñunakuna p’unchay?
1 Jesuspa Wañupusqan Yuyarina P’unchayta martes 26 marzo killapi yuyarisunchis, Jehová Dios sapallan Wawanta qespikunanchispaq qowarqanchis chaymi chay p’unchayta yuyariyqa anchata kusichiwasun (Is. 61:10). Chay p’unchaypaq kunanmantapacha kusikuywan allichakusqanchismi yanapawasunchis. ¿Imarayku?
2. ¿Iman kallpachawanchis chay p’unchaypaq allichakunapaq?
2 Chay p’unchaypaq allichakusun. Chay p’unchayta manaña hatun fiestata hinachu ruwanchis chaypas ancha allinpaqmi qhawarinchis. Chayraykun ñawpaqmantaña imakunachus necesitakusqanta allichashananchis (Prov. 21:5). Akllakunanmi ima horapi maypi ruwakunanta, hinallataq chay huñunakuna wasita limpiota hap’inapaqpas. Chaymantapas vinota maskhashanaña mana levadorayoq t’antatapas ruwanankupaq qhawarishanañan. Discurso qoqpas, acomodadorkunapas, vinota t’antata haywaqkunapas allin preparasqan kananku. Chay kacharichiypi iñisqanchisraykun tukuy sonqowan chaykunata ruwananchis (1 Ped. 1:8, 9).
3. ¿Imaynatan chay p’unchaypaq sonqonchista preparasunman?
3 Sonqonchista preparasun. Chay huñunakuypaqqa sonqonchista allinta preparananchis (Esd. 7:10). Chhaynapin allinta entiendesun imarayku huñunakusqanchista. Llapanchismi tiempota horqonanchis chay p’unchaykunapi akllasqa textokunata leenanchispaq, yuyaymanananchistaq Jesús manaraq wañupusqan p’unchaykunapi. Hinallataq Jesuspa imaymana ruwasqanpipas yuyaymanayqa yanapawasun payta qatikunapaq (Gál. 2:20).
4. Jesuspa wañusqanmanta bendicionkuna chaskisqanchismanta, ¿mayqenmi anchata kusichiwanchis?
4 Jesucristoq wañusqanmi rikuchirqan Dioslla kamachinanpaq derechoyoq kasqanta, chaymantapas huchamanta wañuymanta kacharichiwasqanchista, Dioswan allinpi kanapaq, wiñay kawsayta chaskinapaqpas (Col. 1:21, 22; 1 Juan 2:2). Chaykunan kallpachawanchis Jehová Diosman promesa ruwasqanchista hunt’anapaq Churinpa ruwasqan hinata ruwanapaqpas (Mat. 16:24). Chay huñunakuypaq preparakuyqa chayman riypas anchatan kusichiwasunchis.