Jesuspa wañupusqanta yuyarinapaq preparakusun
Jesusqa yachanmi huk tutallatawanña amigonkunawan kananta. Qhepastin p’unchaypin wañuchisqa kanan karqan. Chaymi chay tuta amigonkunawan Pascua fiestata ruwarqan, hinaspa chay fiestaq rantinpin Señorpa cenan nisqata ruwanankupaq kamachirqan. Chay fiestaqa ancha importanten karqan, chaymi Pedrota Juantawan ñawpaqta kacharqan imakunachus necesitakusqanta preparamunankupaq (Luc. 22:7-13). Kunanpas cristianokunaqa Jesuspa wañupusqanta yuyarinapaqmi ñawpaqmantapacha preparakunanchis (Luc. 22:19). Qhawarisun imakunatan ñawpaqmanta ruwananchis 3 abril p’unchaypi Jesuspa wañupusqanta yuyarinapaq.
¿Imakunatan llapa iñiqmasikuna ruwananku?
Tukuy atisqankutan ruwananku invitación rakiypi yanapakunankupaq.
Huk listapin anotananku estudiantenkunata, familiankunata, llank’aqmasinkunata, escuelapi compañeronkunata, reqsisqankunatapas invitamunankupaq.
Jesuspa wañupusqanta yuyarina semanapi asignasqa textokunata leenanku, hinaspa yuyaymanananku.
Jesuspa wañupusqanta yuyarina huñunakuyman hamuqkunata sumaqta chaskinanku.