¿Pipaqmi kay tema kanman?
1. ¿Imapin yuyaykunanchis revistakunata leespa? ¿Imayrayku?
1 Qhawaq, ¡Rikch’ariy! revistakunaqa llapa runakunapaqmi ruwasqa kashan. Chaymi imaymana temakuna lloqsimun. Revistakunata leespaqa may allinmi kanman pikunapaq chay tema kasqanta qhawariy, hinaspa preparakusunman imaynatas munachisunman chayta.
2. ¿Ima temakunan interesanman runakunaman?
2 Yaqapaschá llank’aqmasiykiwan Bibliamanta huk temata rimarqanki chaytataq Qhawaq revistapi leespa tarirqanki. ¿Tarirqankichu familiamanta willaq temata mayqen familiaykitapas yanapanaykipaq? ¿Leerqankichu huk llaqtamanta willaq ¡Rikch’ariy! revistata, chay llaqtaman viajayta munaq runaman willanaykipaq? ¿Kanchu mayqen revistanchiskunapas mercadokunapi, municipiokunapi munachinapaq? Munachillasunmantaqmi yuyaqkunata cuidana wasikunapi machuyapuymanta rimaq revistakunata, sichus revistanchispi mana allin ruwaq runakunamanta rimashan chayqa puestokunapi munachisunman.
3. Huk experienciata willay imaynatas runakunaman interesanman revistanchispi temakuna chayta.
3 Imapin tukurqan. Sudáfrica nacionpi huk casarasqa iñiqmasinchiskuna 2011 watapi octubre killamanta ¡Rikch’ariy! revistata chaskirqanku, temantaq karqan “Como criar hijos responsables” nisqa. Paykunan 25 escuelakunata telefonopi waqyarqanku chay revistaq lloqsimusqanmanta willanankupaq. 22 escuelakunataq chay revistakunata chaskikurqanku hinaspan alumnokunaman rakirqanku. Chhaynallatataqmi huk casarasqakunapas ruwarqanku predicasqanku territoriopi escuelakunaman rakispanku. Wakin profesorkunaqa chay revistawanmi yanapachikurqanku escuelankupi. Chay casarasqakunaqa imayna ruwasqankutan watukuq umalliman willarqanku, chay umallitaq wakin iñiq t’aqakunata kaqta ruwanankupaq kallpacharqan. Chay qhepamanmi sucursalman askha cartakunata apachirqanku chay revistata mañakunankupaq, chaymi aswan askhata ruwananku karqan.
4. ¿Imaraykun munanchis askhanpi revistanchiskuna rakikunanta?
4 Revistanchiskunaqa pachantinpi imakuna pasasqanmantan willan, chaymi leeqkunata yanapan Bibliapi Jehová Diospa Gobiernonmanta yachanankupaq. Chaymantapas chay revistakunallan ‘Diospa qespichiyninmanta willakushan’ (Is. 52:7). Chayraykun munanchis askha runakuna leenankuta. Chaymi tapukunanchis: “¿Pipaqmi kay tema kanman?”, nispa.