Huk temallamanta rimay, ichaqa iskaynin revistata munachiy

Revistanchiskunapiqa sumaq temakunan tarikun. Chaymi sapanka wasipi llapa temankunamanta rimananchismantaqa aswan allin kanman huk temallamanta willay. Sichus allin reparaq kasun, Qhawaq otaq ¡Rikch’ariy! revistakunapi ima temakuna lloqsimusqanta yachasun chayqa, atisunmi mayqen temamantapas uyariqninchiskunaman yachachiyta. Sichus wawakunaq pukllanankunata rikunchis chayqa, familiamanta rimaq temamantan rimapayasunman. Chaymantapas huk wiraqocha lloqsimunman chayqa qharikunaman interesasqan temakunamantan willasunman, yaqapaschá nacionninchispi sasachakuykunamanta hinallataq allin gobierno necesitakusqanmantapas. Huknin temallamanta rimasunman chaypas kallpachakunanchismi iskaynin revistakunata munachinapaq.