Noviembre killapi llank’asun Diospa Gobiernomanta willakuykuna 38 kaq tratadowan
1. ¿Imatan tapukunku runakuna wañupuqkunamanta? ¿Imatan noviembre killapi ruwasun?
1 Imataña runakuna wañuymanta creenku chaypas llapallanchispaqmi enemigonchis (1 Cor. 15:26). Askha runakuna tapukunku: “¿Maypin wañupuqkuna kashanku, hayk’aqllapas paykunawan tupasunmanchu?”, nispa. Chay tapuyta sut’inchanapaqmi Diospa Gobiernomanta willakuykuna tratadowan llank’asunchis 1 noviembre killamanta killa tukuykama, chay tratadoq temanmi ¿Kanqachu kawsarimpuy wañupuqkunapaq? nisqa. Chay qhepamanpas munachishallasunmi chay tratadota.
2. ¿Imayna ruwasqa kashan chay tratado?
2 ¿Imayna ruwasqa kashan? Chay tratadoqa iskayman doblanapaqmi. Qallariyninpin título kashan, uranpitaq “¿Ima ninki?” nisqa tapukuy. Chay tratadota leespan runakuna yachanqaku Bibliaq nisqanta imayna yanapasqantapas. Yachallanqakutaq imarayku Bibliaq nisqan creenapaq kasqanta. Tukuyninpitaq huk tapuyta tarinqaku chayta qhawarisqanmi yanapanqa astawan yachananpaq.
3. ¿Imaynatan chay tratado rakikunqa?
3 ¿Imaynatan rakikunqa? Imayna Jesuspa Wañupusqan P’unchaypaq, hatun huñunakuypaq invitacionkuna rakikurqan chay hinatan chay tratadotaqa rakisun. Umallikunan willanqaku imaynatan predicasqanku territoriota llank’anqaku chayta, chaypaqmi yanapachikunqaku 2013 wata 1 abril killapi chaskisqanku cartawan. Sichus mayqen iñiq t’aqapas pisi territoriokunayoq kanqa chayqa, qayllanpi kaq iñiq t’aqata yanapankuman. Semanapi hayk’a tratadokunata rakisunman chayllatan horqonanchis. Sichus wasin-wasinta rakispa mana tukusunchu chayqa, askha runakunaq kasqanpi rakisunman. Killapi primer sabadopi estudiota qallarinamantaqa chay tratadokuna rakiypi llank’ananchis. Atikuqtinqa semana tukuypin revistakunata munachillasunmantaq. Ñawpaqmantaña qhawarishana imaynatan chay llank’aypi yanapakusunman chayta.