Agradecekusqanchista rikuchisun
Jesuspa Wañusqanta Yuyarispa
1. ¿Salmistaq ima nisqanmi ancha allin Jesuspa Wañusqanta Yuyarina killapi?
1 Jehová Dios khuyapayasqanmanta yanapasqanmanta iman salmista nirqan: “¿Imatan Señor Diosman kutichipusaq tukuy allinkunata ruwapuwasqanmanta?” nispa (Sal. 116:12). Kay tiempopi cristianokunapas anchatan Jehová Diosta agradecekunanchis. Chayta qelqakusqanmanta unay tiempo pasaqtinmi Jehová Dios Churinta qorqan huchamanta kacharichiwananchispaq. Chayraykun agradecekusqanchista rikuchisun 17 abril p’unchay Jesuspa wañusqanta yurarispa (Col. 3:15).
2. ¿Imaraykun kacharichisqa kasqanchismanta agradecekunchis?
2 Kacharichisqa kasqanchisqa allinninchispaqmi. Kacharichisqa kasqanchisraykun ‘huchanchiskunamanta pampachasqa’ kanchis (Col. 1:13, 14). Chhaynapin ch’uya concienciawan Jehová Diosta servinchis (Heb. 9:13, 14). Hinaspapas kacharichisqa kasqanchispi iñispan wiñaypaq kawsayta suyakunchis (Juan 3:16).
3. ¿Imaynatan kacharichiwasqanchismanta Jehová Diosta agradecekusunman?
3 Jehová Diosta agradecekusun. Diosta agradecekusqanchistan rikuchisunman Jesuspa Wañusqanmanta willaq programasqa textokunata leespa, hinallataq chaypi yuyaymanaspa. 2011 wata abril-junio killakunamanta Qhawaq revistapin kashan kay tema: “¿Listoñachu kashanki hatun p’unchaypaq?” nisqa. Chay teman anchata yanapawasun. Chaymantapas Jehová Diostan mañakuyninchispi agradecekusunman huchamanta kacharichiwasqanchismanta (1 Tes. 5:17, 18). Jesuspa Wañusqanta Yuyarinapaq huñunakuyman rispa (1 Cor. 11:24, 25). Hinallataq Jehová Dios ancha munakuq kasqanta qatikuspa hinaspapas askha runakunata chay p’unchay huñunakuyman invitaspa (Isa. 55:1-3).
4. ¿Pi hinan yuyaykunanchis?
4 Jehová Diosta agradecekuq cristianoqa anchatan valoran Jesuspa Wañusqanta Yuyarinapaq huñunakuyta, llapa huñunakuykunamantapas ancha importantepaqmi qhawarin. Chaymi chay p’unchay asuykamushasqanrayku salmista hina yuyaykunanchis, paymi nirqan: “Tukuy almaywanmi Señor Diosta saminchasaq, tukuy allin ruwapuwasqantaqa manan qonqasaqchu”, nispa (Sal. 103:2).