Diosta agradecekusun qowasqanchis regalomanta
1. ¿Imaraykun Jehová Diosta tukuy sonqowan agradecekunanchis?
1 Jehová Diosmantaqa tukuy imaymanatan chaskinchis, ichaqa aswan hatun regalonqa munasqa Wawan Jesuswan huchamanta kacharichiwasqanchismi (Sant. 1:17). Chayraykun huchanchismanta pampachasqa kanchis (Efe. 1:7). Chaywanqa kusikunchischá, chaymi tiempota hap’ispa yuyaymanananchis Jesuspa wañusqanpi.
2. ¿Imaynatan familiantin agradecekusunman Diospa regalonta?
2 Familiantin agradecekusun. Kunan watapin Jesuspa wañusqanta yuyarisun 30 marzo killapi. Manaraq chay p’unchay chayamushaqtin, Familiantin Diosta Yupaychana Ch’isinpin astawan yuyarisunman Jesús huchamanta kacharichiwasqanchismanta. Chaymantapas Jesuspa wañusqanta yuyarinapaq akllasqa textokunatan estudiasunman. Sapankan yuyaymananan imaynatan huchamanta kacharichiy allinninpaq kasqanta, hinallataq yuyaymananan Jehová Diosta, pay kikinta, hukkunata, hamuq tiempopi kawsaytapas imayna qhawarisqantawan. Chaymantapas allinmi kanman mosoq takinanchis libromanta 8, 109 takikunata yachay (Sal. 77:12).
3. ¿Imaynatan rikuchisunman agradecido kasqanchista?
3 Agradecido kasqanchista rikuchisun. Agradecido kasqanchisraykun runakunaman willashanchis Jehová Dios munakuyninpi Wawanta kachamusqanmanta (Sal. 145:2-7). Chayraykun wakin familiakunaqa rimanakunku marzo, abril, mayo killakunapi huknillankupas precursor auxiliar kananpaq. Manachus precursor kayta atisun chayqa, ‘tiemponchista ama usuchispa’ astawan predicashallasun (Efe. 5:16). Chaymantapas hukkunatan yanapananchis Jesuspa wañusqan yuyarina huñunakuyman hamunankupaq (Apo. 22:17). Qhawarishananchisñan pikunatachus pusamunanchispaq. Kanmanmi: revisitanchiskuna, estudionchiskuna, familianchiskuna, llank’aqmasinchiskuna, wasimasinchiskuna ima. Chaymantapas tukuy atisqanchista ruwasun invitacionkunata rakinapaq.
4. ¿Imatan kay killakunapi ruwasunman?
4 Kay killakunaqa allinmi kanqa chay sumaq regalo qowasqanchismanta agradecido kasqanchista rikuchinanchispaq. Chhaynaqa, Diospa qowasqanchis regalopi, ‘Cristoq mana tukukuq saminchayninpipas’ tukuy sonqowan yuyaymanasun, kallpachakusuntaq chaymanta willamunanchispaq (Efe. 3:8).