Estudiay munaqkunata usqhaylla yanapasun

Internetpi direccionninchis hukllaman tukupusqanrayku, runakunaq kasqanpi predicakusqanrayku ima Internetpi aswan askha runakuna Bibliamanta estudiota mañakushanku. Chayta jw.org nisqaman apachimusqankutan sucursalqa iskay p’unchaypi hinalla iñiq t’aqapi umallikunaman apachin estudiay munaqta maskhamunankupaq. Ichaqa iñiqmasikunan mayninpi mana usqhayllachu maskhamunku. ¿Imatan ruwasunman usqhayllata tarimunapaq? (Mar. 4:14, 15.)

Sichus tariwaq estudiay munaqta manataq territorioykipichu tiyan chayqa, Sírvase visitar (S-43) hojapin sutinta direccionnintawan qelqanayki. Chaytan usqhaylla huñunakunaykichis p’unchaypi secretarioman qonayki. Hinan secretario usqhaylla chay runaq tiyasqan cheqaspi predicaq iñiq t’aqaman otaq sucursalman apachinan jw.org Congregación nisqaman haykuspa. Umallikunaqa haykushanallankun Internetpi dirección chaskisqankuman. Sichus tarinqaku huk runa Bibliamanta yachay munasqanta chayqa, usqhayllan chayta qhawarinanku. Chay runata maskhananpaq kamachisqa iñiqmasipas usqhayllan maskhamunan. Wasipin mana tariqtintaq huk papelpi sutinta direccionnintawan qelqaspan saqenan.